Siyasi Qurtuluşumuz Türkləşməyə bağlıdır
Oktyabr 06
20:30
2017
Soylu ATALI
25
sentyabrda "bağımsız Kürdüstan” iddialı referendum keçiriləndən sonra bölgəyə
yaxın dövlətlərdə, qısa arada, çalxalanma izlədik. Referendumun sonucunu
açıqlamağı yubatdılar, üzdə bir sakitlik yarandı. Qıcıqların səngiməsini gözləyirlər,
qabaqlayıcı addımlar düşünürlər. Ancaq kim hara kimi qıcıqlanır-qıcıqlansın, bu,
Batının projesidir. Batı özünün hakim etkisini qorumaq üçün ya bütün projelərini
gerçəkləşdirməlidir, ya da güclülük səhnəsindən geri çəkilməlidir. Bəlli ki
geri çəkilməyəcək, qurduğu oyunlara axıra kimi babaçılıq edəcək.
Bu
gün, bir çağlar qürurla "biz Orta Doğu Projesinin eş başqanıyıq” deyən Ərdoğan
iki daş arasında qalıb – İraq parçalansınmı, parçalanmasınmı?! Hər iki hal
Türkiyənin çağdaş siyasi çıxarına uyğun deyil. İraq parçalanarsa, yaranacaq
Kürdüstanın sınırı, uzanaraq, gedib Türkiyənin içərilərinə girəcək.
Parçalanmazsa, İranın bayrağı altında güclü İslam-Şiə birliyi yaranacaq. Bu isə
müsəlmanlaşma siyasəti ilə bölgədə hakim rol almaq istəyən Ərdoğanın hədəflərini
boşa çıxarır. Hələ biz demirik, İraqın parçalanması Türkmənelinin də fəlakətlərini
genişləndirəcəkdir. Bu sorun Ərdoğan hakimiyyətini ciddi qayğılandırmır.
Baxmayaraq, sözdə Ərdoğan Türkməneli ilə bağlı qayğılandığını dilə gətirir.
Ancaq uzun illərdir biz, Ərdoğanın heç bir sözünün arxasında durmadığını izləyirik.
Ərəb
dövlətləri içərisində daha güclüsü Səudiyyə Ərəbistanı sayılır. Əslində Türkiyənin
dövlət səviyyəsində müsəlmanlaşması bu dövlətin heç də ürəyincə deyil. Səudiyyə
Ərəbistanı istəmir ki, İslamın mərkəzi, Osmanlıda olduğu kimi, Türkiyəyə keçsin,
nə də İran-Şiə mərkəzi yaransın. Ona görə də öz soyundan olan bir dövlətin
parçalanmasına razılaşıb. Türkiyənin, İranın etkisinə girməkdənsə, Batının
buyruğunda durmaq onun üçün daha önəmlidir... Bəs müsəlmanlaşma siyasəti yürüdən
Türkiyə kimlərlə birlik yaradacaqdır – Qırğızıstanlamı?! Belə isə Ərdoğan
Türkiyə kimi oturuşmuş dövlətin gücünü Türk Birliyinə yönəltsəydi yaxşı
olmazdımı?! Yönəltmədi, çünkü siyasi ambisiyaları siyasi təfəkkür imkanlarından
daha yuxarıda dayanır.
Batı,
başda ABD olmaqla, bütün xətlər üzrə Doğunu dağıdır. 300 illik tarixi olan bir
dövlət, min illər tarixi olan köklü xalqların dövlətçiliyini, mədəniyyətini,
tarixi keçmişini məhv edir, yerində özünə əl buyuruqçuları olan özülsüz dövlətlər
yaratmağa çalışır. Bu gedişdə BMT-nin "hər bir dövlətin ərazi bütövlüyünü
tanımaq” qanunu anlamsız bir bəlgəyə çevrilir. Ancaq yazıqlar olsun, bu anlamsız
bəlgələr bir sıra dövlətlərin başının altına yastıq qoyur, məqsədli güclər isə
onların sınırlarını pozmaqla öz hədəflərinə doğru yürüyürlər. Başının altına
yastıq qoyulanlardan biri də Azərbaycandır. 25 ildir "BMT-nin dörd qətnaməsi”
deyib durur. Erməni isə havadarı Rusiyaya söykənib Azərbaycan torpaqlarında
oturuşur.
Azərbaycanın
Güneyinin də (Güney Azərbaycanın) aqibəti sual altına girir. Batı illərdir
İrana dəymir ki, Güney Azərbaycan bağımsızlıq əldə eləməsin. Ancaq "Kürdüstan”
yaratmaqla İranı da parçalayıb gücünü sındırmağa çalışır. Yəni İran-Şiə
birliyini, "Kürdüstan”ı qurmaqla, heçə çevirməyi gözə alır. Gözə alınan
Kürdüstan sınırları əslində Güney Azərbaycanın içərilərinə uzanır. Ona görə
Güney Azərbaycan onun sınırlarını hədələyən "Kürdüsta”a qarşı, İranla birgə hərəkət
eləmək zorunda buraxılır. Belədə isə Azərbaycanın bütövləşməsi ideyası, bəlkə də
yüz il, arxivə atılmalı olur.
30
il öncə Asif Ata yazırdı: "İranın sabahında nə baş verirsə-versin, Azərbaycan
birləşmə, bütövləşmə uğrunda mübarizə aparmalıdır”. Bu çağırış 30 il bundan öncəyə
deyil, elə bu günə, sabaha hesablanmış bir çağırışdır. Hər kəs öz yolunu bəlirləyir,
Azərbaycan isə kimlərin məğlub, kimlərin qalib olmasını gözləməli deyil. Heç
bir qalib Azərbaycanı düşünmür, düşünməyəcək. Bunu Azərbaycan (O Tay-Bu Tay
olmaqla) özü düşünməlidir.
Türkiyə
İslama, Azərbaycan da BMT-nin qətnamələrinə bel bağladıqca beli qırılacaq.
Düşünürük, bu iki dövlətin strategiyası dəyişməli, dövlət ideologiyaları Türkləşmək
xəttinə dönüşməlidir. Siyasi Qurtuluşumuz buna bağldır.
Yükümüzdən Böyük Fərəhimiz yoxdur!
Atamız Var olsun!6
Xəzan Ayı, 39-cu il. Atakənd.
(oktyabr,
2017. Bakı).
Qlobal.az