SON XƏBƏR

Şahmat üzrə Azərbaycan millisinin kapitanı dəyişdirilib

Avqust 27
15:49 2018
Sentyabrın 23-də Gürcüstanın Batumi şəhərində start götürəcək 43-cü Ümumdünya Şahmat Olimpiadasında iştirak edəcək Azərbaycan millisinin kapitanı dəyişdirilib.

Bu barədə "Report”a Azərbaycan Şahmat Federasiyasının vitse-prezidenti Mahir Məmmədov məlumat verib. O, deyib ki, yeni kapitan Qədir Hüseynov olacaq. Dəyişikliklə bağlı qərarı federasiya rəhbərliyi ilə şahmatçılar birgə qəbul edib. Ümumi rəyə əsasən, Eltac Səfərlinu Hüseynov əvəzləyib.

M.Məmmədov olimpiadada iştirak edəcək Azərbaycan millisinin heyətinin müəyyənləşdiyini də söyləyib. O, komandada 5 qrossmeysterin yer alacağını bildirib: "Birinci lövhədə Şəhriyar Məmmədyarov yer alacaq. Qalanlarında isə ardıcıllıqla Teymur Rəcəbov, Arkadi Naydiç, Rauf Məmmədov və Eltac Səfərli olacaq. Yarışa hazırlıqla əlaqədar, sentyabrın birinci yarısında təlim-məşq toplanışı olacaq. Azərbaycanın məqsədi hər zaman yüksək nəticə qazanmaqdır”.

Qeyd edək ki, olimpiadaya oktyabrın 6-da yekun vurulacaq.



Oxşar xəbərlər

XƏBƏR LENTİ

Facebook