SON XƏBƏR
  • Bayden Ərdoğana zəng edəcəkABŞ Prezidenti Co Bayden türkiyəli həmkarı Rəcəb Tayyib Ərdoğana zəng edəcək. "Anadolu” agentliyi bildirir ki, bunu Ağ Evin nümayəndəsi Cen Psaki jurnalistlərin Amerika liderinin Türkiyə Prezidenti..
  • Əfv Məsələləri Komissiyası yenidən toplanırBu gün Azərbaycan Prezidenti yanında Əfv Məsələləri Komissiyasının növbəti iclası keçiriləcək. Komissiyanın iclası videoformatda qruplar halında keçirilir. İclasda komissiyaya daxil olan yeni mürac..
  • Diplomatik korpusun azad edilmiş ərazilərə səfəri başladıDiplomatik korpus nümayəndələrinin Azərbaycanın işğaldan azad edilmiş ərazilərinə səfəri başlayıb. Bununla bağlı Azərbaycan Prezidentinin köməkçisi, Prezident Administrasiyasının Xarici siyasət məs..
  • Bu gün Məhəmməd Əmin Rəsulzadənin anım günüdürBu gün dövlət və ictimai xadimi, siyasətçi və publisist, Azərbaycan Xalq Cümhuriyyətinin (1918-1920) banilərindən və Azərbaycan siyasi mühacirətinin liderlərindən olmuş Məhəmməd Əmin Rəsulzadənin vəfa..
  • Ali Baş Komandan: "Qazilərimizi tezliklə normal həyata qaytaracağıq""Görüləcək işlərə qayıtdıqda, mən xüsusilə şəhid ailələrinə göstərilən dəstəyi qeyd etmək istəyirəm. Partiyamızın fəalları bu sahədə də fəal olmalıdırlar, dövlət öz üzərinə düşən vəzifəni icra edir. M..
  • Ermənistan “Avroviziya 2021”də iştirakdan imtina edibErmənistan "Avroviziya 2021” mahnı müsabiqəsində iştirak etməyəcək. Bu barədə ölkənin ictimai televiziyası öz "Facebook” səhifəsində məlumat yayıb. "Ətraflı müzakirələr və danışıqlardan sonra ic..
  • Tənha şair - inkarçı Xudayi...İbrahim Xudayi - bu imza çoxlarına sosial şəbəkələrdən tanışdır. Satirik şeirləri ilə gündəmə gələn şair Salyanda 104 saylı yataqxanada tək-tənha yaşayır.  Bu, təkcə şair yalnızlığı deyil..
  • Azərbaycanda ilk dəfə jest dili lüğətinin veb səhifəsi hazırlanırHeydər Əliyev Fondunun "Regional İnkişaf” İctimai Birliyinin (RİİB) elan etdiyi "Sosial layihələr” müsabiqəsinin qaliblərindən olan "Doğma jest dili” layihəsi çərçivəsində "NAR”ın maliyyə dəstəyi ilə ..
  • Mübariz Mənsimova beş il cəza verildiAzərbaycan əsilli türkiyəli biznesmen Mübariz Mənsimova İstanbul Məhkəməsinin qərarı ilə beş il müddətinə cəza verilib. Oxu.Az-ın məlumatına görə, məhkəmə qərarı ilə o, bu müddəti ev dustaqlığı..
  • Gürcüstan konstitusiyasına dəyişikliklər tələb edilirGürcüstanın Konstitusiyasına dəyişikliklərin edilməsi tələb olunur. "Report"un yerli bürosu xəbər verir ki, bu təşəbbüslə ölkə müxalifəti çıxış edib. Müxalifət partiyaları hesab edirlər ki, qüvv..

Sabiq nazir ermənilərin Azərbaycanla ərazi mübadiləsi iddiasını şərh etdi

Yanvar 08
14:23 2021
"Azərbaycanla Ermənistan arasında ərazi mübadiləsi məsələsi aktual deyil. Ermənilərdən kimsənin bunu istəyəcəyini istisna etmirəm. Ancaq Azərbaycanın bu şəkildə nəyisə dəyişdirəcəyinə heç bir əsas yoxdur. Zəngəzur əzəli və tarixi Azərbaycan torpağıdır. Bu məsələ başqa istiqamətdə aktual ola bilər. Ancaq ərazi mübadiləsi Azərbaycanın maraqlarına uyğun deyil”.

Bu sözləri Qaynarinfo-ya sabiq xarici işlər naziri Tofiq Zülfuqarov Ermənistanla Azərbaycan arasında ərazi mübadiləsinin mümkünlüyü barədə səslənən fikirləri şərh edərkən deyib.

Sabiq nazir ərazi mübadiləsi ilə bağlı müxtəlif zamanlarda səslənən fikirlərin artıq aktuallığını itirdiyini bildirib: 

"Artıq vəziyyət tamamilə dəyişib. Azərbaycan Ermənistanı kapitulyasiyaya məcbur edib. Demək olar ki, Azərbaycan işğal olunmuş ərazilərdə böyük ölçüdə nəzarəti əlinə alıb. Kiçik bir hissə qalib ki, orada da suverenliyimizin bərpası bir qədər vaxt aparacaq. Buna heç bir şübhəm yoxdur. Bu baxımdan məsələ həll olunub, yaxud həll olunmaq üzrədir. İndiki mərhələ ilə əvvəlki dövr arasında hər hansı paralellər aparmağı düzgün saymıram. Çünki şərtlər dəyişib”.

Azərbaycan və Ermənistan liderlərinin Moskva görüşü ilə bağlı səslənən iddialara münasibət bildirən Tofiq Zülfuqarov qeyd edib ki, Əliyevlə Paşinyan bir sıra məsələlərdə razılıq əldə edə bilər: 

"Görüşdə Azərbaycan-Ermənistan münasibətlərinin indiki mərhələsi müzakirə oluna bilər. Nəyi nəzərdə tuturam: Bildiyimiz kimi, Ermənistan Azərbaycana hərbi təcavüz edib, etnik təmizləmələr aparmışdı. Müharibədən sonra Azərbaycan öz beynəlxalq sərhədlərini bərpa edib və işğalçını öz ərazisindən qovub. Amma hələ də sülhməramlıların nəzarət etdiyi ərazilərdə erməni silahlı qüvvələri qalmaqdadır. Hansı ki Ermənistan hakimiyyəti həmin silahlı qüvvələrin bir hissəsinin əmrə tabe olmadığını deyir. Görüşdə erməni silahlı qüvvələrinin Azərbaycan ərazilərindən hansı vaxt və necə çıxarılması məsələsi, yaxud buna məcbur edilməsi müzakirə olunacaq. İkincisi görüşdə sərhəd məsələsi müzakirə oluna bilər. Artıq bu proses gedir. Sərhədlərin müəyyənləşməsi prosesində müəyyən aktual məsələlər ola bilər. Bunun da müzakirə edilməsini istisna etmirəm. Həmçinin kommunikasiya əlaqələrinə də baxıla bilər. 

Naxçıvanla Azərbaycanın qərb rayonları arasında kommunikasiyaların açılması üçtərəfli bəyanatda Ermənistan üzərinə qoyulmuş bir öhdəlikdir və Ermənistan bunu həyata keçirməlidir. Bu baxımdan əksər kommunikasiya problemləri həll olunacaq. 

Görüşdə başqa məsələlər də müzakirə oluna bilər. Amma bir məsələ var ki, müzakirə oluna bilməz. O da Azərbaycan ərazisində kompakt şəkildə yaşayan ermənilərin gələcək taleyi ilə bağlı məsələdir ki, bu, artıq Azərbaycanın daxili işidir və müzakirə predmeti olmamalıdır. Hesab edirəm ki, Azərbaycan heç bir halda Ermənistanın həmin ərazidə yaşayan ermənilər üzərində söz sahibi olmasına razılıq verməyəcək.
 
Qeyd edək ki, Ermənistanın "Milli Təhlükəsizlik Partiyası”nın rəhbəri Qarnik İsaqulyan liderlərin Moska görüşü ilə bağlı sensasiyalı iddia irəli sürüb. Onun sözlərinə görə, Paşinyan Qarabağın ermənilər yaşayan hissəsiylə dəyişmək üçün Ermənistan torpaqlarınının (Zənguzur) bir hissəsini (təxminən 2400 kvadrat km) Azərbaycana verəcək…


Oxşar xəbərlər

XƏBƏR LENTİ

Facebook