Prezident: “Korrupsiyaya qarşı mübarizədə qalib gələcəyik”
İyun 05
04:33
2020
"Deyə bilərəm ki, mənim ünvanıma gələn minlərlə məktubda korrupsiya, rüşvətxorluq ilə bağlı bizim mübarizə çox yüksək qiymətə layiq görülür"
Qlobal.az xəbər verir ki, bunu Prezident İlham Əliyev iyunun 3-də Ağcabədidə "ASAN Həyat” kompleksinin açılışından sonra ASAN könüllüləri ilə görüşdə deyib.
Qlobal.az xəbər verir ki, bunu Prezident İlham Əliyev iyunun 3-də Ağcabədidə "ASAN Həyat” kompleksinin açılışından sonra ASAN könüllüləri ilə görüşdə deyib.
"Vətəndaşlar bunu təqdir edir, bəyənir və biz görürük ki, yerlərdən artıq siqnallar gəlməyə başlayır. Mən bir daha demək istəyirəm ki, mütləq ictimai nəzarət olmalıdır. Məmur özbaşınalığı ilə bağlı hər bir siqnal araşdırılacaq. Təbii ki, bu siqnallar ədalətli olmalıdır. Burada da hansısa qarayaxma kampaniyasına yol vermək olmaz və kortəbii yanaşmaq olmaz. Hər bir siqnal ciddi araşdırılacaq. Çünki istisna deyil ki, kimsə yalandan ortalığa bir məlumat ata bilər, kiminsə kimdənsə xoşu gəlmir, onun haqqında nəsə yaza bilər, belə hallar da var. Ona görə, ilk növbədə, ədalət və ictimai nəzarət təmin edilməlidir. Əminəm ki, biz korrupsiyaya və rüşvətxorluğa qarşı mübarizədə də qalib gələcəyik", - deyə dövlət başçısı bildirib.
