SON XƏBƏR

Oqtay Əsədov rəqiblərinə necə təzyiq edir: 6 imtina, 3 qeydə alınmayan namizəd

Yanvar 15
21:05 2020
45 saylı Abşeron Seçki Dairə Komissiyasının növbədənkənar parlament seçkilərinə qatılan namizədlərə təzyiq edilir.

Bu barədə Arqument.Az-a məlumat verilib.

Məlumata görə, namizədlərin fəaliyyətinə müdaxilə üçün adminstrativ resurslardan istifadə edilir.

45 saylı DSK-ya namizədlərin qeydə alınması prosesində süni əngəllərin yaradılması da bununla izah olunur.

Mənbə bildirib ki, bununla bağlı DSK-ya tapşırıq verilib.

DSK isə istefaya göndərilən və yenidən Yeni Azərbaycan Partiyası (YAP) tərəfindən namizədliyi irəli sürülmüş spiker Oqtay Əsədova açıq dəstək ifadə edir. 

Sözgüdən dairə üzrə 6 nəfərin namizədlikdən imtina etdiyi, bir neçə nəfərin DSK tərəfindən qeydə alınmadığı, bəzilərinin isə imza vərəqələrini vermədiyi açıqlanıb.

Məlumatda deyilir ki, namizədlikdən imtina edən və imza vərəqlərini təqdim etməyən şəxslərə Oqtay Əsədova görə təyziq edilib. 

DSK mövzuya şərh verməyib. 

İddialarla bağlı Oqtay Əsədovla isə əlaqə saxlamaq mümkün olmayıb. 

Mərkəzi Seçki Komissiyasının saytında isə imtina edən və qeydə alınmayan, həmçinin imza vərəqlərini qaytarmayanların adları qeyd olunub.



Oxşar xəbərlər

XƏBƏR LENTİ

Facebook