Nizami rayonunda koronavirus xəstəliyinin qarşısının alınması məqsədilə küçələr və prospektlər yuyulur
Mart 24
15:55
2020
Nizami rayonunda koronavirus (COVİD-19) pandemiyasına qarşı tədbirlər davam etdirilir.
Nazirlər Kabineti yanında Operativ Qərargahın tapşırıq və tövsiyələrinə uyğun olaraq koronavirus (COVİD-19) infeksiyasının yarada biləcəyi təhlükənin qarşısının alınması məqsədilə rayon ərazisindəki Qara Qarayev prospekti, o cümlədən digər küçə və prospektlər, məhəllədaxili yollar gündəlik olaraq səhər saat 06:00-dan 08:00-dək, axşam saatlarında isə saat 21:00-dan 23:00-dək kommunal texnikalar vasitəsilə xüsusi məhlulla yuyulur.
Bundan əlavə, hər gün istirahət parklarında, yaşayış binalarının həyətlərində, bloklarda və pilləkən qəfəsələrində, liftlərdə, məişət tullantıları üçün konteyner meydançalarında aidiyyəti xidmət sahələri tərəfindən dezinfeksiyaedici tədbirlər aparılır.
Qlobal.az
