Naftalan ŞİH-nin başçısı 2016-cı ilin sosial-iqtisadi inkişafının yekunlarına dair hesabat verdi
Fevral 27
17:39
2017
Naftalan şəhərinin
2016-cı ilin sosial-iqtisadi inkişafının yekunlarına
və qarşıda duran vəzifələrə dair şəhər İcra
Hakimiyyətinin başçısı Natiq Aslanovun Hesabatı
Şəhər əhalisinin və şəhərin ərazisində fəaliyyət göstərən sahibkarları narahat edən problemlərin aradan qaldırılması və operativ qaydada həlli məqsədilə Şəhər İcra Hakimiyyəti başçısının müvafiq sərəncamı ilə 8 nəfərdən ibarət xüsusi qərargah yaradılmış və qaynar xətt xidməti təşkil olunmuşdur. Qərargaha bugünədək müraciət daxil olmamışdır. Eləcə də sahibkarlıq fəaliyyəti göstərən fiziki və hüquqi şəxslər tərəfindən özlərinin sahibkarlıq fəaliyyəti ilə bağlı yerli icra hakimiyyəti orqanının sərəncamından, əmrindən, hərəkət və ya hərəkətsizliyindən verilmiş təkrar şikayətlərə baxılması məqsədi ilə şəhər İcra Hakimiyyətində fəaliyyət göstərən Apellyasiya Şurası yaradılmışdır. Apellyasiya Şurasının və Şuranın Katibliyinin fəaliyyətinin effektiv qurulması, sahibkarların müraciətlərinə baxılması işində səmərəliliyin təmin edilməsi ilə bağlı məsələlər ətrafında geniş fikir mübadiləsi aparılması və qarşıda duran vəzifələrin müzakirəsi məqsədilə iclaslar təşkil olunmuşdur.
Bildiyiniz kimi yanvarın 10-da Azərbaycan
Respublikasının Prezidenti cənab İlham Əliyevin sədrliyi ilə Nazirlər
Kabinetinin 2016-cı ilin sosial-iqtisadi inkişafının yekunlarına və qarşıda
duran vəzifələrə həsr olunmuş iclası keçirilmişdir. Möhtərəm Prezidentimiz dərin
məzmunlu giriş və yekun nitqləri söyləmiş, 2016-cı ildə respublikamızda
görülmüş işləri, əldə olunmuş uğurları və qarşıda duran vəzifələri geniş təhlil
etmişdir. Ölkə başçısının qeyd etdiyi kimi, 2016-cı ildə dünyada və yaşadığımız
regionda təhlükələr, risklər, təhdidlər artmış, qanlı münaqişələr, müharibələr
davam etmiş, yeni münaqişə ocaqları yaranmışdır. Bir sözlə, yaşadığımız bölgədə
sabitlik pozulmuşdur və iqtisadi inkişafla bağlı vəziyyət ağırlaşmışdır.
2016-cı ildə dünyanın müxtəlif yerlərində təhlükəli proseslər müşahidə
olunmuşdur. O ki qaldı, bizim ölkəmizə - Azərbaycan 2016-cı ildə öz inamlı
inkişafını davam etdirmişdir, ölkəmizdə təhlükəsizlik tədbirləri təmin
edilmişdir, Azərbaycan xalqı sülh, əmin-amanlıq şəraitində yaşamışdır və
yaşayır. Bu gün ölkəmiz dünya miqyasında sabitliyi ilə seçilən ölkələrdən
biridir. Artıq tarix və ətrafda baş verən hadisələr göstərir ki, bizim
seçdiyimiz yol yeganə düzgün yoldur. Bu, müstəqillik yoludur, sabitlik, inkişaf
yoludur.
2016-cı
ildə ölkə qarşısında duran demək olar ki, bütün əsas vəzifələr təmin edildi.
Bildiyiniz kimi, Azərbaycan neftlə zəngin olan digər ölkələr kimi, neftin qiymətinin
aşağı düşməsindən əziyyət çəkirdi. Ancaq neft ixrac edən bütün ölkələrin
addımlarına nəzər salsaq görərik ki, Azərbaycan o ölkələrdəndir ki, bu böhranlı
vəziyyətdən də uğurla çıxa bilmişdir. Neftlə zəngin olan bir neçə başqa ölkə
var ki, bizim kimi bu vəziyyətdən uğurla çıxa bilmişdir. Neftin qiyməti isə 3-4
dəfə aşağı düşmüşdür. Bütün çətinliklərə, itkilərə baxmayaraq, biz iqtisadi
sabitliyimizi qoruya bildik, bu ağır vəziyyətdən şərəflə çıxa bildik.
Ölkə
başçısı əminliklə qeyd etmişdir ki, ölkəmiz 2017-ci ildə uğurla inkişaf edəcək.
Bütün sosial proqramlar icra ediləcək və iqtisadi inkişafla bağlı çox önəmli
addımlar atılacaq.Ölkəmizdə
aparılan uğurlu sosial-iqtisadi siyasət nəticəsində kurort şəhəri olan
Naftalanda da hərtərəfli inkişaf üçün mühüm işlər görülmüş, qarşıya qoyulmuş vəzifələrin
yerinə yetirilməsi sayəsində həm sosial, həm də iqtisadi sahələrdə önəmli nəticələr
əldə edilmiş və iqtisadi inkişaf 2016-cı ildə təmin edilmişdir. Həmçinin
2016-cı il şəhərin iqtisadi həyatında uğurlu və önəmli bir il kimi yadda qaldı.
Belə ki, 2016-cı ildən Naftalan şəhəri xərclərini öz gəlirləri hesabına təmin
edən rayon və şəhərlərin sırasına daxil edilmişdir. Buna isə Naftalan öz turizm
potensialı, eləcə də dünyada tanınan
kurort, sanatoriya və sağlamlıq mərkəzlərindən gələn gəlirlər hesabına nail
olmuşdur.
01 yanvar 2017-ci il tarixə şəhər əhalisinin
sayı 9.97 min nəfər olmuşdur. 62 nikah, 22
boşanma halı qeydə alınmış, doğulanların sayı 149 nəfər, ölənlərin sayı isə 54
nəfər, təbii artım 95 nəfər olmuşdur. Şəhərə gələnlərin sayı 26 nəfər, şəhərdən
gedənlərin sayı 6 nəfər, əhalinin miqrasiya artımı +20 nəfər təşkil etmişdir.
2016-cı ildə şəhər üzrə ümumi məhsul buraxılışı 18 mln 116.7 min manat, iqtisadiyyatın aparıcı sahəsi olan
sənaye məhsulu xidmətlərinin həcmi keçən illə müqayisədə 16.8 faiz artaraq 1
mln 960.7 min manat təşkil etmişdir. Əhaliyə 299.6 min manatlıq nəqliyyat xidməti
göstərilmiş, əhalinin həyat səviyyəsini xarakterizə edən əsas göstəricilərdən
biri olan pullu xidmətlərin həcmi 10 mln
700.5 min manat olmuşdur. Pərakəndə əmtəə
dövriyyəsinin 2.5 faiz artaraq
19 mln 912.8 min manat, bir
işçiyə hesablanmış orta aylıq əmək haqqı isə 262.1 manat, hüquqi və fiziki şəxslərə
göstərilən informasiya və rabitə xidməti isə 2 faiz artaraq 188.8 min manat təşkil etmişdir. Ümumi məhsul
buraxılışının həcmində kənd təsərrüfatı məhsulunun payı ötən illə müqayisədə
4.7 faiz artaraq 2 mln 73.4 min manat, tikinti sahəsi isə 7 mln 321.7 min manat təşkil etmişdir.
Şəhərin
büdcəsi yerli gəlirləri hesabına 3 mln 769,7 min manat, xərcləri isə 3 mln
585,3 min manat olmuşdur. Yerli mənbələrdən gəlir üzrə daxil olma 100,5 faiz olmuşdur.
"Yerli icra hakimiyyətləri haqqında
Əsasnamə”yə uyğun olaraq şəhər İcra Hakimiyyətində yerli büdcədən maliyyələşən
təşkilatlara ayrılan vəsaitin təyinatı üzrə xərclənməsinə nəzarət edilməsi məqsədilə
yaradılmış komissiya tərəfindən bu sahəyə
nəzarət artırılmışdır.
Aztəminatlı ailələrin sosial müdafiəsinin
gücləndirilməsi diqqət mərkəzində saxlanılmış, Əmək və Əhalinin Sosial Müdafiəsi
Nazirliyi yanında Dövlət Sosial Müdafə Fondunun şəhər şöbəsi tərəfindən 629 ailəyə ünvanlı dövlət sosial yardım və sosial
müavinət ödənilmişdir. Bir ailəyə düşən ÜDSY məbləği 145 manat təşkil etmişdir.
Cəzaçəkmə müəssisələrindən azad olunmuş 8
nəfərə və 10 Çernobıl əlilinə birdəfəlik
müavinət verilmişdir. Mərkəzin sosial xidmət işçiləri tərəfindən 48 nəfər tənha
ahıl və əlil vətəndaşa evlərində müvafiq
xidmətlər göstərilmişdir. 44 nəfər əlilə
istirahət və müalicə üçün sanatoriya-kurort yollayışı verilmişdir. Bundan başqa Əmək və Əhalinin Sosial Müdafiəsi
Nazirliyi tərəfindən 1 nəfər şəhid ailəsinə fərdi yaşayış evi inşa
edilmişdir.
Həmçinin
şəhər İcra Hakimiyyəti tərəfindən şəhərdə
olan tənha ahıllara, əlillərə, veteranlara Novruz, Ramazan, Qurban və digər
bayramlarda müvafiq yardım edilmişdir. Ümumiyyətlə bu kateqoriyadan olan vətəndaşların
problemləri ilə daha yaxından tanış olmaq və həmin problemlərin həlli məqsədilə
onlarla şəhər İcra Hakimiyyətində görüşlər təşkil edilmişdir. Bundan başqa
Naftalan hotel Qaşaltı tərəfindən sağlamlıq imkanları məhdud uşaqlar üçün
bayram tədbiri təşkil olunmuşdur.
Hesabat
dövründə 114 nəfərə müvafiq kateqoriyalar üzrə pensiya təyinatı aparılmış,
ümumilikdə şəhər üzrə 1484 nəfər pensiyaçıya xidmət göstərilmişdir. Sığorta edənlərdən
daxilolma 1 mln 169 min manat təşkil etmiş, o cümlədən sahibkarlıq fəaliyyəti
ilə məşğul olan fiziki şəxslərdən 55,7 min manat vəsait daxil olmuşdur. Proqnoz
tapşırıqları 65,5 faiz icra olunmuşdur. 2015-ci
ilə nisbətdə 197,4 min manat az vəsait yığılmışdır ki, bunun da əsas səbəbi 3
hüquqi şəxsin qeydiyyat ünvanını dəyişməsi olmuşdur. Pensiya, müavinət və
sosial yardımlar vaxtlı-vaxtında ödənilməklə 3 mln 386,4 min manat vəsait xərclənmiş,
əhaliyə pensiya və müavinət ödənişi üzrə
borc qalmamışdır.
Eyni
zamanda ölkə başçısının tapşırığına uyğun regionlarda işsizliyin azaldılması və
maddi imkanları aşağı olan aztəminatlı əhalinin mənzil probleminin həlli üçün
bütün şəhər və rayonlarda sosial mənzillərin tikintisinə başlanılacaqdır. O
cümlədən Naftalan şəhərində də sosial mənzillərin
inşası nəzərdə tutulmuşdur.
2016-cı
ilin fevral ayından ayrı-ayrı sahələr üzrə 149 yeni iş yeri açılmış və 146 nəfər işlə təmin olunmuşdur. Məşğulluq Mərkəzi tərəfindən 25 nəfərə işsizlik statusu təyin
olunmuşdur. İyun ayında keçirilən əmək yarmarkasında 30 nəfər işaxtaran vətəndaş
daimi işlə təmin olunmuşdur. Ötən il ərzində Məşğulluq Mərkəzinə 564 nəfər
qeyri-məşğul şəxs müraciət etmiş, onlardan 257 nəfəri ixtisasına və peşəsinə
uyğun işlə təmin edilmişdir.
İşsizliyin
azaldılması daim diqqət mərkəzində saxlanılmalıdır. Bu səbəbdən də Məşğulluq Mərkəzi
idarə, müəssisə və təşkilatlarla daha sıx işgüzar əlaqələr qurmalı, idarə,
müəssisə və təşkilatlar da boş iş yerləri haqqında məlumatları müntəzəm olaraq
Mərkəzə təqdim etməlidirlər. Eyni zamanda Məşğulluq Mərkəzi vətəndaşlara vakant
iş yerlərinə göndəriş verdikdə uzun müddət qeydiyyatda olan vətəndaşları nəzərə
almalı, birinci növbədə onlara iş yerləri təklif etməlidir.
Bu
gün də işsizliyin aradan qaldırılması, yeni iş yerlərinin açılması məqsədilə
sahibkarlarla birgə əlavə tədbirlər görülür. Şəhərdə aparılan abadlıq,
quruculuq, tikinti işlərində onlarla insan müvəqqəti işlə təmin olunmuş və
bundan sonra da əhalinin işlə təmin olunması istiqamətində müvafiq tədbirlər görüləcəkdir. Şəhər əhalisinin və şəhərin ərazisində fəaliyyət göstərən sahibkarları narahat edən problemlərin aradan qaldırılması və operativ qaydada həlli məqsədilə Şəhər İcra Hakimiyyəti başçısının müvafiq sərəncamı ilə 8 nəfərdən ibarət xüsusi qərargah yaradılmış və qaynar xətt xidməti təşkil olunmuşdur. Qərargaha bugünədək müraciət daxil olmamışdır. Eləcə də sahibkarlıq fəaliyyəti göstərən fiziki və hüquqi şəxslər tərəfindən özlərinin sahibkarlıq fəaliyyəti ilə bağlı yerli icra hakimiyyəti orqanının sərəncamından, əmrindən, hərəkət və ya hərəkətsizliyindən verilmiş təkrar şikayətlərə baxılması məqsədi ilə şəhər İcra Hakimiyyətində fəaliyyət göstərən Apellyasiya Şurası yaradılmışdır. Apellyasiya Şurasının və Şuranın Katibliyinin fəaliyyətinin effektiv qurulması, sahibkarların müraciətlərinə baxılması işində səmərəliliyin təmin edilməsi ilə bağlı məsələlər ətrafında geniş fikir mübadiləsi aparılması və qarşıda duran vəzifələrin müzakirəsi məqsədilə iclaslar təşkil olunmuşdur.
Şəhərdə
əmək qabiliyyətli hər bir şəhər sakini və sahibkar qanunla nəzərdə tutulmuş şəkildə
öz imkanlarından, qabiliyyətindən və əmlakından sərbəst istifadə edərək azad
sahibkarlıq fəaliyyəti ilə məşğul olur. Sahibkarların mənafeyinin müdafiə edilməsinin
nəticəsidir ki, ötən dövr ərzində Apellyasiya Şurasına heç bir müraciət daxil
olmamışdır.
Dövlət xidmətlərinin vətəndaşlara daha rahat
və yeni üsullarla təqdim edilməsi, vətəndaşlar
üçün əlçatanlığın təmin edilməsi və vətəndaş məmnunluğuna nail olunması məqsədilə
mart, aprel və noyabr aylarında Naftalan şəhərində Azərbaycan Respublikasının
Prezidenti yanında Vətəndaşlara Xidmət və Sosial İnnovasiyalar üzrə Dövlət
Agentliyinin Gəncə "Səyyar ASAN xidmət” mərkəzinin əməkdaşları tərəfindən 4000-dən
artıq vətəndaşa səyyar formada xidmət
göstərilmişdir. Ümumilikdə 30-a yaxın xidmət göstərilmişdir. Məlumat verim ki, 01.05.2017-ci
il tarixdən 30.05.2017-ci il tarixədək şəhərdə yenə də xüsusi avtobus vasitəsilə
səyyar formada xidmətlərin həyata keçirilməsi nəzərdə tutulmuşdur.
İctimai-siyasi tədbirlərin hazırlanıb keçirilməsinə
xüsusi fikir verilmiş, humanitar sahədə bir çox işlər həyata keçirilmişdir. Təhsil
müəssisələrinə diqqət nəzarətdə saxlanılmış, tədrisin keyfiyyətinin
yaxşılaşdırılması məqsədilə bir sıra işlər görülmüşdür. Şəhər İcra Hakimiyyəti
tərəfindən məktəblərdə davamiyyətə və dərs prosesinin gedişatına mütəmadi
olaraq nəzarət edilmişdir. Tam orta məktəblərdə yeni dərs ili ilə əlaqədar məktəblərin
maddi-texniki bazası gücləndirilmiş, 2016-2017-ci tədris ilndə 321 adda 6935 ədəd
kitab məktəblilərə və müəllimlərə paylanmışdır. Həmçinin şəhər Təhsil Şöbəsinin
təsdiq etdiyi Tədbirlər Planına əsasən tədris
ili ərzində məktəblərarası toplantılar,
rəsm, inşa, bilik, mahnı müsabiqələri və
yarışlar təşkil olunmuşdur.
Ümumtəhsil
məktəblərinin I sinifinə 172 uşaq qəbul olunmuş, onlardan 27-si "Xüsusi
istedada malik uşaqların vaxtından əvvəl I sinfə qəbulu Qaydaları”na
uyğun olaraq vaxtından əvvəl I sinifə qəbul
olunmuşdur."Ölkəmizi
tanıyaq” devizi ilə keçirilmiş növbəti maarifləndirici tur-aksiyada İsmayıllı-Qəbələ-Şəki, Quba, Qusar və Xaçmaz marşrutu üzrə Naftalan məktəbliləri
də iştirak etmiş, ekskursiya zamanı onlar istirahət etməklə yanaşı, regionların
tarixi, mədəniyyəti və sosial-iqtisadi inkişafı ilə tanış olmuşlar.
Naftalan şəhər İ.Nəsimi adına 1 nömrəli tam orta məktəbin şagirdi Bakıda keçirilmiş "Kitabi-Dədə Qorqud” və "Fridrix fon Dits-200” mövzusunda beynəlxalq
şagird konfransında fəal iştirakına görə Bilik Fondu tərəfindən müxtəlif
dərəcəli mükafatlarla təltif olunmuşdur. Həmçinin Təhsil Nazirliyi tərəfindən
keçirilmiş Ulu Öndər Heydər Əliyevə həsr olunmuş "Ən yaxşı təqdimat” müsabiqəsində
yaxşı nəticə göstərərək II dərəcəli diplomla təltif edilmiş şagirdlərdən biri də
Naftalan məktəbinin yetirməsidir. Şəhərimizin təhsil sahəsindəki uğurlarında əzmkar,
öz işinə məsuliyyətlə yanaşan müəllimlərimizin əməyi danılmazdır. Məhz bu cür əməli
fəaliyyətin nəticəsidir ki, Azərbaycan Respublikası Prezidentinin müvafiq Sərəncamı ilə təhsilin
inkişafında xidmətlərinə görə "Əməkdar müəllim” fəxri adına layiq görülmüş müəllimlərdən
biri də Naftalan şəhər məktəbinin müəllimidir. Əlbəttə
bütün bunlar bizi sevindirir, lakin əldə olunmuş müəyyən uğurlara baxmayaraq
2015-2016-cı tədris ilində XI sinif şagirdləri üzrə buraxılış və məzunların ali
məktəblərə qəbul imtahanlarının nəticələri
ötən tədris ili ilə müqayisədə aşağı səviyyədə olmuşdur. Buna görə Təhsil şöbəsinin rəhbərliyi ümumtəhsil
məktəbləri rəhbərlərinin məsuliyyətini artırmaqla tədrisin keyfiyyətinin yüksəldilməsi
üçün ciddi tədbirlər həyata keçirməli, məzunların
ali məktəblərə qəbulu sahəsində yüksək nəticələr əldə etməlidir.
Məlumdur
ki, dövlət tərəfindən gələcəyimiz olan uşaqlara xüsusi diqqətlə yanaşılır. Onların
sağlam, bilikli, savadlı olmaları üçün
dövlət tərəfindən mühüm işlər görülür. Son illərdə paytaxtla yanaşı, bölgələrimizdə
də bir çox uşaq tərbiyə və təhsil müəssisələrində əsaslı təmir və yenidənqurma
işləri aparılmış, yeni uşaq bağçaları tikilmişdir. O cümlədən şəhərimizdə də fəaliyyət
göstərən Körpələr evi-uşaq bağçasında uşaqların təlim-tərbiyəsi və gələcəyin
sağlam vətəndaşları kimi yetişmələri üçün hər cür şərait yaradılmışdır. Lakin
hazırda məktəbəqədər yaşlı uşaqların sayının çox, yalnız 280 nəfər uşağın
bağçaya cəlb olunma imkanı olduğundan şəhərdə yeni məktəbəqədər təhsil müəssisəsinin
tikintisinə ehtiyac vardır. Bununla əlaqədar şəhər İcra Hakimiyyəti tərəfindən
aidiyyəti orqanlara müraciət edilmiş və şəhərdə yeni Körpələr evi-uşaq bağçasının tikintisi məsələsi "Azərbaycan Respublikası regionlarının
2014-2018-ci illərdə sosial-iqtisadi inkişafı Dövlət Proqramı”nda öz əksini
tapmışdır.
Hesabat
dövründə şəhərin mədəni həyatı da zənginləşmişdir. Xüsusən mühüm tarixi hadisələrə,
bayramlara həsr olunmuş tədbirlər əhatə
və təsir dairəsinə görə fərqlənmişdir. Naftalan şəhər Uşaq Musiqi məktəbinin müəllim
və şagird kollektivi tərəfindən bayram günlərində şəhər sakinlərinin, eləcə də
istirahət və müalicəyə gələn qonaqların asudə vaxtlarını səmərəli keçirmələri
üçün konsert proqramları təşkil olunmuşdur. Şəkidə
keçirilən Beynəlxalq şirniyyat festivalında ən yaxşı qənnadı məmulatı
nominasiyası üzrə Naftalan qənnadıçıları II yeri tutmuşlar.
Uşaq Musiqi məktəbinin fortepiano şöbəsinin şagirdi aprel
ayında keçirilmiş Qara Qarayev adına "Təhlil və ifa edir gənc musiqiçilər” III Respublika Elmi-İfaçılıq Müsabiqəsində uğurlu
çıxışına görə" III Respublika müsabiqəsi laureatı” adına layiq
görülmüşdür.
Hazırda
şəhər mədəniyyət müəssisələri şəraiti olmayan uyğunlaşdırılmış binalarda fəaliyyət
göstərir ki, bu da mədəniyyət sahəsinin daha
da inkişafına mane olur. Eyni zamanda şəhərə gələn turistlər, eləcə də şəhərlə,
naftalan nefti ilə tanış olmaq istəyən fəxri qonaqlar Naftalana daxil olarkən
ilk olaraq buradakı "Çəlik muzeyi”ni soruşur və muzeylə tanış olmaq istədiklərini
bildirirlər. Lakin, muzeyin binası olmadığından və hazırda fəaliyyət göstərdiyi
uyğunlaşdırılmış binanın da tamamilə yararsız vəziyyətdə olduğundan təəssüf ki, qonaqları oraya aparmaq mümkün olmur.
Bu səbəbdən də şəhərdə mədəniyyət obyektlərinin tikintisinə çox böyük ehtiyac
yaranmışdır. Qeyd olunanları nəzərə alaraq şəhər İcra Hakimiyyəti tərəfindən müvafiq
tədbirlər görülmüş və inanırıq ki, yaxın gələcəkdə regionların sosial-iqtisadi
inkişafı dövlət proqramına uyğun olaraq bu məsələ öz həllini tapacaqdır.
2016-cı
il ərzində yeniyetmə və gənclərlə işin təkmilləşdirilməsi, təşkili və idmanın
inkişaf etdirilməsi istiqamətində müəyyən işlər görülmüşdür. Şəhərdə ayrı-ayrı
idman növləri üzrə müxtəlif yaş qrupları arasında idman yarışları keçirilmiş, bu
dövrdə şəhərimizin gənc idmançıları müxtəlif respublika və zona turnirlərində
uğurlu çıxış etmişlər.
Naftalan şəhər Gənclər və İdman idarəsinin nəzdində
fəaliyyət göstərən Uşaq-Gənclər İdman məktəbinin 2 idmançısı Respublika
Olimpiya İdman Liseyinə qəbul olmuşdur. İrəli İctimai Birliyinin təşkilatçılığı
ilə "Azərbaycanın İntellektual Birincisi" layihəsi çərçivəsində Gəncə-Qazax
iqtisadi rayonu üzrə Şəmkir şəhərində keçirilən zona yarışında şəhərimizin gəncləri
Nə? Harda? Nə zaman? və "Xəmsə" Millli
İntellektual oyunu üzrə II yeri, "Vətəni Tanı" Oyunu üzrə isə III
yeri qazanmışlar. Bundan başqa şəhərimizin qızlardan ibarət futbol komandası
AFFA-nın təşkilatçılığı ilə keçirilən qərb regionu üzrə U-13 qızlar liqasında
uğurlu çıxış edərək turnirin ilk dövrəsinin lideri olmuşlar. İdmançılarımıza gələcək oyunlarda uğurlar
arzulayırıq.
Səhiyyə
müəssisələri tərəfindən əhaliyə göstərilən tibbi xidmətin səviyyəsinin yüksəldilməsi,
sanitar-gigiyenik vəziyyətə müntəzəm nəzarət edilməsi, əhali arasında
infeksion, parazitar xəstəliklərin, qida zəhərlənmələrinin qarşısının alınması
istiqamətində işlər davam etdirilmiş, bir sıra zəruri tədbirlər görülmüşdür. Xəstəxananın
nəzdində fəaliyyət göstərən stomatologiya, rentgen kabineti, laboratoriyalar
lazımi avadanlıqlarla və dərman preparatları ilə təchiz olunmuşdur. Hesabat
dövründə 350 nəfər imtiyazlı xəstə hər ay güzəştli dərman preparatları ilə təmin
edilmişdir.
Prezident
cənab İlham Əliyevin tapşırığına əsasən, respublikamızın hər yerində olduğu
kimi, Naftalan şəhərində də əhalinin tibbi müayinədən keçirilməsi yüksək səviyyədə
təşkil olunmuşdur. Xəstəxanaya gələ bilməyən yaşlı və əlil insanlara evlərində
tibbi xidmət göstərilməsi məqsədilə həkimlərdən
ibarət səyyar briqadalar yaradılmışdır. Sağlamlıq aksiyasının mütəşəkkil
keçirilməsi məqsədilə ətraf rayonlardan peşəkar həkimlər də cəlb olunmuşdur.
Fevral-may aylarında 7000 nəfərə yaxın vətəndaşın müayinələrdən keçməsi təmin
olunmuş, müayinələr zamanı xəstəlik aşkar edilənlərdən 358 nəfərinə ambulator,
85 nəfərinə isə stasionar müalicə təyin olunmuşdur. 2 nəfər müalicə üçün Bakı şəhərinə
göndərilmişdir.
Azərbaycan
Respublikası Səhiyyə Nazirliyi B.Ə.Eyvazov adına Elmi-Tədqiqat Hematologiya və
Transfuziologiya İnstitutu nəzdində Mərkəzi Qan Bankının təşəbbüsü ilə talassemiyadan əziyyət çəkən uşaqlar üçün iyul ayında keçirilən qanvermə
aksiyasına şəhərin idarə, müəssisə və təşkilatlarının kollektivi, hüquq mühafizə
orqanlarının əməkdaşları, eləcə də şəhər sakinləri həvəslə qoşulmuş və 60 nəfərdən qan analizi götürülmüşdür
Məlumdur
ki, şəhər Xəstəxanası uyğunlaşdırılmış binada fəaliyyət göstərir. Ötən il əhaliyə
göstərilən tibbi xidmətin yeni tələblər səviyyəsinə çatdırılması məqsədilə şəhərdə
yeni xəstəxananın tikintisi işləri gecikdirilməklə aparılmışdır. Bunu nəzərə
alaraq şəhər xəstəxanasının baş həkimi tikinti işlərinin sürətləndirilməsi
istiqamətində müvafiq tədbirlər həyata keçirməlidir.
Gigiyena və Epidemiologiya Mərkəzinin mütəxəssisləri tərəfindən
mütəmadi olaraq məktəblərdə, körpələr evi-uşaq bağçasında sanitar-gigiyenik
müayinələr aparılmışdır. Profilaktik peyvəndlərin yerinə yetirilməsi təmin
edilmişdir. Çoxmənzilli yaşayış binalarının zirzəmisində dezinfeksiya işləri
aparılmışdır. Şəhər Kommunal Təsərrüfatı İstehsalat Birliyi nümayəndəsinin
iştirakı ilə məişət tullantıları yığılan qutulara və poliqona baxış keçirilmiş,
poliqonun vəziyyəti sanitar-gigiyenik nöqteyi-nəzərdən qeyri-qənaətbəxş olduğu
üçün KTİB rəhbərliyinə xəbərdarlıq edilmişdir. Şəhərdə içməli su üzərində də
ciddi sanitariya nəzarəti həyata keçirilmiş, əhaliyə verilən içməli su
anbarlarında il ərzində bakterioloji və
kimyəvi müayinələr aparılmışdır. Bunun nəticəsidir ki, su faktoru ilə əlaqədar
heç bir infeksiyon xəstəlik qeydə alınmamışdır.
Dezinfeksiya
şöbəsi də şəhər ərazisində aparılan profilaktiki tədbirləri gücləndirməli, təşkilatlarda
maarifləndirmə işləri aparmalı və onlarla müqavilə bağlanmasına nail olmalıdır.
Nazirlər
Kabinetinin iclasında Prezident cənab İlham Əliyev istehlak qiymətlərinə ciddi
nəzarət edilməsini tapşırmış və bildirmişdir ki, süni bahalaşma hallarına yol
verilməməli, burada çox ciddi cəza tədbirləri
görülməlidir. Ölkə başçısının bu istiqamətdə tapşırıqlarının icrasını təmin
etmək məqsədilə Naftalan Şəhər İcra
Hakimiyyəti başçısının müvafiq sərəncamı ilə Naftalan şəhəri üzrə istehlak
bazarında baş verə biləcək sui-istifadə halları və süni qiymət artımı cəhdlərinin
qarşısının alınması məqsədilə yaradılmış komissiya tərəfindən şəhərdəki ticarət
obyektlərində, pərakəndə satış mağazalarında və mərkəzi bazarda reydlər
keçirilmiş, sahibkarlara, həmçinin satış üzrə digər məsul şəxslərə süni qiymət
artımına yol verilməməsi ilə bağlı müvafiq tövsiyələr verilmiş, onlara sahibkar olaraq məsuliyyət
daşıdıqları bildirilmişdir. Bu məsələyə bundan sonra da ciddi nəzarət ediləcəkdir. Təbii ki, hökumətin bu sahədə həyata keçirdiyi bütün
işlərin başlıca məqsədi ondan ibarətdir
ki, Azərbaycanda qiymətlərin artımının qarşısı mümkün qədər alınsın və bu,
insanların həyat, yaşayış səviyyəsinə ciddi şəkildə təsir etməsin.
Əhalinin etibarlı ərzaq məhsulları ilə təminatının
yaxşılaşdırılması məqsədilə kənd təsərrüfatının ayrı-ayrı sahələrinin inkişaf
etdirilməsinə səy göstərilmiş və əkinçilik
sahəsində müsbət irəliləyişlər əldə olunmuşdur. Ötən il Qaşaltı Qaraqoyunlu və
Qasımbəyli kəndlərində 175,38 ha əkin sahəsindən
457 ton arpa və buğda istehsalına
nail olunmuşdur. Həmçinin dövlət tərəfindən
kənd təsərrüfatı istehsalçılarına dövlət dəstəyi ötən ildə davam etdirilmiş, 126
kənd təsərrüfatı istehsalçısına əkin sahəsinin
becərilməsində istifadə etdikləri yanacaq və motor yağlarına görə 11,301 min
manat məbləğində yardım verilmişdir.
Əkinə
yararlı torpaqların genişləndirilməsi, eləcə də kənd təsərrüfatının daha da
inkişafı məqsədi ilə əkin və həyətyanı torpaq sahələrinin suvarma suyu ilə təminatının
yaxşılaşdırılması üçün yeni artezian quyularının qazılmasına ciddi ehtiyac
vardır.
Azərbaycan
Respublikası Prezidentinin imzaladığı dövlət proqramlarından, fərman və sərəncamlarından
irəli gələn vəzifələrin reallaşması nəticəsində ölkənin bütün bölgələri kimi,
Naftalan şəhərində də bütün sahələrdə müsbət dəyişikliklər əldə edilmişdir. 2014-2018-ci
illəri əhatə edən regional Dövlət Proqramının Naftalan şəhəri üzrə nəzərdə
tutulmuş bəndləri aşağıdakılardan ibarətdir: şəhərdə tullantıların təkrar emalı,
kiçik həcmli istixanaların və çörək istehsalı müəssisələrinin yaradılması,
turizm sahəsinin inkişafı, rabitə və informasiya xidmətlərinin
yaxşılaşdırılması, əhalinin sosial müdafiəsinin gücləndirilməsi sahəsində
müvafiq işlərin davam etdirilməsi, o cümlədən Naftalan şəhər Əlillərin Regional
Bərpa Mərkəzinin bərpa-gücləndirilməsi və əsaslı təmiri, mədəniyyət obyektlərinin
əsaslı təmiri və tikintisi, idman-sağlamlıq obyektlərinin əsaslı təmiri və
tikintisi, Uşaq Yaradıcılıq Mərkəzi, Körpələr evi-uşaq bağçasının tikintisi və
şəhərdə abadlıq-quruculuq işlərinin davam etdirilməsi. Artıq nəzərdə turulan tədbirlərin
müəyyən bir hissəsi həyata keçirilmişdir. İnanırıq ki, dövlət proqramında
Naftalan şəhəri üzrə nəzərdə tutulmuş tədbirlərin tam olaraq həyata keçirilməsi
sayəsində Naftalanın daha da inkişafına nail olacağıq.
Ümumiyyətlə qeyd etmək istəyirəm ki, Dövlət
Proqramlarına uyğun olaraq şəhərdə istilik, qaz, su-kanalizasiya təchizatının
yaxşılaşdırılması sahəsində işlər tam başa çatdırılmışdır. Elektrik təchizatının
yaxşılaşdırılması məqsədilə yerüstü elektrik xətləri yeraltı elektrik xətləri
ilə əvəz edilmiş, bütün abonentlərə smartkart tipli sayğac quraşdırılmışdır. Lakin,
bu sahədə işlər yarımçıq dayandırılmışdır. Buna görə də Elektrik şəbəkəsinin rəhbərliyi
"Azərbaycan Respublikası regionlarının 2014-2018-ci
illərdə sosial-iqtisadi inkişafı Dövlət Proqramı”na əsasən şəhərin elektrik təsərrüfatı
sahəsində yarımçıq qalmış işlərin həyata keçirilməsi məqsədilə aidiyyəti üzrə müvafiq
tədbirlər görməlidir.
Son
illər şəhərin bütün infrastrukturunun inkişafına diqqət artırılmışdır. Aparılan
geniş quruculuq və abadlıq işləri ötən il də davam etdirlimiş və bu işlər əhali
tərəfindən rəğbətlə qarşılanmışdır. Həyata keçirilən tədbirlər nəticəsində
vətəndaşların həm kommunal sahədə, həm də ümumi həyat şəraitlərində mövcud olan
bir sıra problemlər öz həllini tapmışdır. Başlanılan təmir-bərpa işləri çərçivəsində
uzun illərdən bəri təmirsiz qalmış çoxmənzilli yaşayış binalarının fasadı və
dam örtükləri əsaslı təmir olunmuş, binadaxili və şəhərdaxili bütün kommunikasiya
xətləri yenilənmişdir.
Bu
işlərin başa çatması ilə şəhərin estetik gözəlliyinin bərpasına başlanılmışdır.
Belə ki, binaların ətrafında, küçələrdə abadlıq və yenidənqurma işləri xüsusi
diqqət mərkəzində saxlanılmışdır. Artıq şəhərin bir hissəsində yolların, səkilərin
kənarlarına yeni yol və səki daşları düzülmüş, 50000 m2 yeni asfalt örtüyü salınmışdır. Eyni
zamanda sakinlərin və şəhərə gələn qonaqların mənalı istirahəti və asudə
vaxtlarının səmərəli təşkili üçün mini istirahət parkları və piyada yolları
yaradılmışdır. Binaların qarşısında söhbətgahlar, basketbol, tennis və uşaq
oyun meydançaları quraşdırılmış, binaların həyəti işıqlandırılmışdır. Bunun
üçün 31 binanın hər birinə 2-3 ədəd paralel işıq şüaları salan yeni güclü
işıqlandırıcı cihaz quraşdırılmışdır. Yaşıllıq salınan əraziyə münbit
torpaq daşınmış və yayılmışdır. Binaların qarşısında ümumilikdə 1000-dən artıq
çinar ağacı əkilmişdir. Şəhər İcra Hakimiyyətinin təşkilatçılığı ilə şəhərin
müxtəlif yerlərində iməciliklər təşkil edilmiş, iməcilikdə şəhərin tanıtma lövhəsindən
başlayaraq boş ərazilərə, şəhərdəki Qələbə parkına 3000-dən artıq eldar şamı əkilmişdir.
Bundan başqa müraciət əsasında sahibkara nar bağı salınması üçün 200 ha torpaq sahəsi ayrılmışdır və yeni salınan bağda 20 nəfər işlə təmin
olunmuşdur. Gələcəkdə də Naftalanın kurort iqlimini qorumaq üçün ağac əkini
davam etdiriləcəkdir.
Ötən
il şəhərin digər küçələrində və çoxmənzilli yaşayış binalarının həyətində abadlıq
və yenidənqurma işləri davam etdirilmişdir. İlk olaraq asfalt örtüyünün üst
qatı qaşınaraq düzlənmiş, köhnə səki və yol daşları sökülüb yenisi ilə əvəz
olunmuşdur. II mikrorayonun ərazisinə ümumilikdə 3350 p/m uzunluğunda yeni yol
daşı düzülmüşdür. Yaxın vaxtlarda yeni asfalt örtüyünün döşənməsinə
başlanılacaqdır. Binaların qarşısında avtonəqliyyat vasitələrinin maneəsiz və təhlükəsiz
şəkildə dayanması məqsədilə xüsusi yerlər
düzəldilmişdir.
2016-cı
il ərzində 4 girişli 3 beşmərtəbəli yaşayış binasının blokları əsaslı təmir
olunmuş, suvaq və rəngləmə işləri aparılmışdır. Pilləkən və məhəccərlər də təmir edilmişdir. Qeyd olunan işlər mərhələli
şəkildə şəhərin digər 7 binasında da aparılacaqdır.
Rabitə
xidmətinin yaxşılaşdırılması məqsədilə Qurban Namazəliyev adına yaşayış məhəlləsinin
telefonlaşdırılması üçün yeni DS-256 EATS tipli stansiya və 2 ADSL avadanlığı
quraşdırılaraq istismara verilmişdir. Köhnə rabitə kabelləri xüsusi örtüklü,
müasir standartlara cavab verən yeni optik kabellərlə əvəz edilmişdir. Həmçinin
bloklarında təmir işləri aparılan çoxmənzilli yaşayış binalarında rabitə xətləri
və paylayıcı qutular yenilənərək
borularla çəkilmişdir.
Ötən
il əhalinin fasiləsiz olaraq içməli su
ilə təmin olunması məqsədilə abonentlərə
öncədən ödəmə sistemli smart elektron su sayğaclarının quraşdırılmasına
başlanılmış, artıq həyətyanı fərdi yaşayış evlərində bu işlər yekunlaşmışdır. Su
və kanalizasiya xətlərində baş vermiş qəza halları qısa müddətdə aradan
qaldırılmışdır. İl ərzində istifadə olunan suyun dəyərinin 95 faizi ödənilmişdir. 2016-cı ilin dekabr
ayında Naftalan Sukanal idarəsi üçün yeni inzibati bina istifadəyə verilmişdir.Bu
dövrdə şəhər ərazisində yeni qazlaşma işləri davam etdirilmiş, baş vermiş
texniki nasazlıqlar dərhal aradan qaldırılmışdır. Ötən il 1538-dən çox baş vermiş
texniki nasazlıq aradan qaldırılmışdır. Qaz təchizatının yaxşılaşdırılması məqsədilə
bütün istehlakçıların təbii qazla təmin olunması, təbii qazdan təhlükəsiz
istifadə olunması və satılmış qazın dəyərinin ödənilməsi təmin edilmişdir. Hər
bir abonent "Təbii qazdan təhlükəsiz istifadə qaydaları” ilə tanış edilərək təlimatlandırılmışdır.
Payız-qış
mövsümünə hazırlıq işlərinə yay aylarından başlanılmış, bununla əlaqədar
şəhər İcra Hakimiyyəti başçısı tərəfindən tədbirlər planı təsdiq edilmiş,
konkret vəzifələr müəyyənləşdirilərək icra edilmişdir. Naftalan İstilik
İstismarı sahəsinin balansında olan bütün qazanxanalarda əvvəlcədən cari
profilaktiki təmir işləri aparılmış, qaztənzimləyicilər yenisi ilə əvəzlənmiş,
qazanxanaların elektrik sistemi işlək vəziyyətə salınaraq qışa hazır vəziyyətə
gətirilmişdir. Noyabr ayının əvvəlindən evlərə baxış keçirilmiş, hidravlik təzyiqlə
xətlər yoxlanılmışdır. Hazırda qazanxanalar tam gücü ilə işləyir və əhali qrupu,
məktəblər, körpələr evi-uşaq bağçası fasiləsiz olaraq istiliklə təmin
olunur.
Hesabat
dövründə 10 mərtəbəli, 42 otaqdan ibarət yeni "Avtovağzal Otel” komleksində
tikinti işləri davam etdirilmişdir. Qeyd edim ki, binada avtovağzal kompleksi,
ticarət mərkəzləri, otel nömrələri, admistrativ ofis hissə, geniş restoran və mətbəx
fəaliyyət göstərəcək. Avtovağzal
kompleksi olan hissəyə isə holl, kassalar, kafe, saxlama kameraları, dükan və
sanuzellər daxildir. Restoran və mətbəx II mərtəbədədir. Otel nömrələri 3-cü mərtəbədən
başlayacaqdır.
Şəhərdə
əsaslı təmirinə başlanılmış Əlillərin Regional Bərpa mərkəzində aparılan tikinti
işləri gecikdirilməklə icra olunmuşdur. Məlumdur
ki, turizm sektoru şəhər iqtisadiyyatının əsas və aparıcı sahəsidir.
Prezident cənab İlham Əliyev 2014-cü ildə Naftalanda "Qarabağ SPA and Resort”
otel kompleksinin açılışında ictimaiyyətlə görüşü zamanı qeyd etmişdir
ki, "Naftalanın çox böyük tarixi, şöhrəti var. Biz bu şöhrəti indi bərpa
edirik. Sovetlər vaxtında 80 minə qədər turist gəlirdi. Biz son illərdə bu
praktikanı bərpa edirik. Bu il 15 minə qədər turistin gəlişi gözlənilir. Hələ
ki, biz sovet səviyyəsinə çatmamışıq, ancaq əminəm ki, çatacağıq”.
Bəli,
bu gün ölkə başçısının şəhərin inkişafı ilə bağlı verdiyi tapşırıq və tövsiyələrinin
nəticəsində Naftalan nadir müalicəvi xassəli naftalan neftinə, mülayim iqliminə
və burada yaradılan müasir turizm infrastrukturuna görə turistləri özünə cəlb
edir. Hazırda Naftalanda 3-ü beşulduzlu olmaqla fəaliyyət göstərən 10
kurort-sanatoriya, turizm-istirahət mərkəzində gün ərzində 2100 nəfərə yüksək səviyyədə
xidmət göstərmək imkanı vardır. Bu turizm obyektlərində müalicə və
istirahət üçün çox gözəl imkanlar yaradılmış və müasir səviyyəli əyləncə mərkəzləri fəaliyyət
göstərir. Eləcə də, turistlərin marağını nəzərə alaraq onların mənalı istirahəti
üçün Azərbaycanın digər bölgələrinə ekskursiyalar təşkil edilir. Bunun nəticəsidir ki, nəinki
isti yay fəslində, hətta soyuq qış aylarında da şəhərə gələn turistlərin
sayında artım müşahidə edilmişdir. Təkcə 2016-cı ilin dekabr ayında
Naftalanda 1510 nəfər turist olmuşdur. Yeni ilin gəlişi ilə əlaqədar bayram
günlərində qonaqların istirahəti ən yüksək səviyyədə təşkil edilmiş, otellərdə boş
yer olmamışdır.
Qeyd
etməliyəm ki, 2016-cı il son beş ildə turistlərin rekord sayı ilə yadda
qalmışdır. Ötən il şəfa tapmaq və istirahət etmək üçün Naftalanın
sanatoriya-kurort mərkəzlərinə üz tutan yerli və xarici turistlərin sayı son 5
ildəkindən 4-5 dəfə çox olmuşdur. Belə ki, 2016-cı ildə turizm obyektlərində 25000
turist qeydə alınıb ki, bunun da 5200 nəfəri xarici turistlər olmuşdur. İlk dəfə
olaraq Naftalana ərəb turistlərin gəlməsi də müşahidə olunmuşdur. Xarici
turistlər arasında Rusiya Federasiyası, Qazaxıstan, Özbəkistan, Ukrayna, İsrail,
Türkiyə, Səudiyyə Ərəbistanı, İraq, Qətər, Hindistan, Pakistan, Gürcüstan,
Fransa, İtaliya, Estoniya, Kolumbiya, Çexiya, İsveç, Norveç, Çin, Böyük
Britaniya, Koreyadan və s. ümumilikdə 54 ölkədən gələn olmuşdur.
Ötən il ərzində Naftalanda turizm sahəsinin
inkişafı ilə bağlı tədbirlər davam etdirilmişdir. Açılışı hesabat dövrünə təsadüf edən 100 yerlik "Kəpəz” sanatoriyası
da bu istiqamətdə həyata keçirilən əsaslı addımlardandır.
Bundan
başqa şəhərimizin turizm potensialının tanıdılması, o cümlədən ölkəmizin sağlamlıq turizminin daha geniş təbliği
məqsədilə 50-dən çox yerli turizm şirkətinin və media nümayəndələrinin iştirakı
ilə "Chinar Hotel & SPA Naftalan”da infotur təşkil olunmuşdur.
Hesabat
dövründə Naftalanla qardaşlaşmış şəhərlər arasında əlaqələr davam etdirilmiş,
avqust ayında şəhərimizlə qardaşlaşmış Polşa Respublikasının Uneyuv şəhərinin
meri Yuzef Kaçmarekinin dəvəti ilə Naftalan Şəhər İcra Hakimiyyəti başçısının rəhbərlik
etdiyi nümayəndə heyəti qardaşlaşmış şəhərlərin nümayəndələrinin ümumi
toplantısına qatılmışdır. Bu səfərdən sonra Naftalan Şəhər İcra Hakimiyyətinin və
Azərbaycan Respublikasının Polşadakı səfrilyinin təşkilatçılığı ilə
"Çinar” və "Qarabağ” istirahət-sağlamlıq mərkəzləri
Polşanın paytaxtı Varşava şəhərində 50-dək ölkənin turizm şirkətləri və otellərinin,
rəsmi dövlət və kütləvi informasiya vasitələrinin nümayəndələrinin qatıldığı
24-cü "TTWarsaw 2016”
səyahət sərgisində iştirak etmişlər. İyirmi minədək insanın iştirak etdiyi sərgidə
ziyarətçilərə Naftalan şəhəri, onun unikal müalicəvi əhəmiyyətə malik olan naftalan
nefti və bu şəhərdə turizm mərkəzlərinin göstərdikləri xidmətlər haqqında ətraflı
məlumat verilmişdir.
Ölkə
başçısının Nazirlər Kabinetinin iclasında turizmin inkişafı ilə bağlı dediyi
kimi, 2017-ci il turizmlə bağlı daha da uğurlu olacaq. Bu il daha çox turist gələcək.
"ASAN Viza” və digər xidmətlər vasitəsilə turistlər Azərbaycana maneəsiz gələcək.
Bizim turizm infrastrukturu da buna hazır olmalıdır.
Naftalanın
da dünyada tanınan kurort şəhəri olduğu üçün buraya gələn qonaqlara xidmət yüksək
səviyyədə təşkil edilməlidir. Bu səbəbdən də turistlərə yüksək səviyyədə xidmətin
təşkili məqsədilə bu sahədə çalışan rəhbərlər işçilərinin fəaliyyətinə nəzarət
mexanizmini daha da təkmilləşdirməlidirlər. Turistlərə xidmət göstərən şəxslər onların
mənalı istirahəti və müalicəsinin yüksək səviyyədə təmin olunması üçün bütün
qüvvələrini səfərbər etməlidirlər. Bir sözlə çalışmalıyıq ki, turistləri məmnun
edərək turist axınının gücləndirilməsini
təmin edək. Şəhərimizdə
turizmin inkişafı üçün böyük potensial olduğunu nəzərə alaraq yeni
sanatoriya-kurort müəssisələrinin tikintisi üçün yeni investorlar cəlb olunmuş,
onların ŞİH-nə təqdim etdikləri layihələrə qanunamüvafiq qaydada baxılır.
Eyni
zamanda diqqətinizə çatdırım ki, Azərbaycan Respublikası Prezidentinin 2016-cı il 6 dekabr tarixli Fərmanı ilə təsdiq edilmiş Azərbaycan
Respublikasında ixtisaslaşmış turizm sənayesinin
inkişafına dair Strateji Yol Xəritəsinin
tədbirlər planının 3.1.-Sağlamlıq turizmi üçün tələbatın yenidən
formalaşdırılması bölməsində Naftalan kurort şəhərinin inkişafı üçün mühüm tədbirlərin
həyata keçirilməsi nəzərdə tutulmuşdur. Bunlar aşağıdakılardır: Naftalan nefti əsasında mövcud və yeni sağlamlıq məhsullarının təşviqi, Naftalanda turistlər üçün
digər cəlbedici yerlərdə bərpa və yenidənqurma işlərinin aparılması, Bakı və
Naftalan arasında sürətli və yüksəkkeyfiyyətli avtobus və qatarların istifadəyə
verilməsi.
Şəhərin
hüquq mühafizə orqanları asayişin təmin olunması, insan hüquq və
azadlıqlarının qorunması, cinayətlərin qarşısının alınması və açılması sahəsində
üzərlərinə düşən vəzifələri layiqincə yerinə yetirmişlər. Hesabat dövrünün
yekunu üzrə şəhər Polis şöbəsində 24 cinayət
hadisəsi qeydə alınmış və cinayətlərin açılması 100 faiz təmin edilmişdir. Ağır və xüsusilə ağır
cinayət hadisəsi qeydə alınmamışdır. Axtarışda olan 5 nəfərdən 4 nəfəri tutularaq aidyyəti üzrə təhvil verilmiş, 1 nəfər
itgin düşmüş şəxs axtarış nəticəsində tapılması təmin edilmişdir. Narkotik
vasitələrin qanunsuz dövriyyəsinə qarşı mübarizə sahəsində bir sıra əməliyyat-profilaktiki
tədbirlər həyata keçirilmiş, tam orta məktəblərdə hər rüb maarifləndirici tədbirlər
təşkil olunmuşdur.
Hesabat
dövründə korrupsiya və rüşvətxorluğa qarşı mübarizə tam ciddiliyi ilə davam etdirilmiş
və neqativ hallar aşkar edilməmişdir. Eyni zamanda görülən
qabaqlayıcı tədbirlərin nəticəsidir ki, ŞİH-nə vətəndaşlar tərəfindən
korrupsiya ilə bağlı müraciət daxil olmamışdır.
Naftalan şəhərində siyasi partiya kimi yalnız
Yeni Azərbaycan Partiyası fəaliyyət göstərir.
YAP Naftalan şəhər təşkilatı hazırda özündə 37 ərazi ilk partiya təşkilatını və
1200 nəfər üzvü birləşdirir. Şəhərdə keçirilən ictimai-siyasi tədbirlərdə
partiya üzvləri, xüsusilə gənclər yüksək fəallıq nümayiş etdirmişlər. Mütəmadi
olaraq partiyanın bir qrup fəal gəncləri ilə görüşlər təşkil olunmuş, onların təklifləri, qaldırdıqları problemlər dinlənilmiş və
müəyyən məsələlərlə əlaqədar onlara müvafiq tövsiyələr verilmişdir.
Heydər
Əliyev Mərkəzinin ideoloji mərkəz kimi işinin təşkili, Ulu Öndərin həyat və fəaliyyətinin,
zəngin dövlətçilik irsinin öyrənilməsi məqsədilə Mərkəzdə illik iş planı əsasında ardıcıl iş aparılmışdır. Ötən il ərzində Ulu
Öndərin həyat və fəaliyyəti ilə tanış olmaq və öyrənmək məqsədi ilə 3557 nəfər mərkəzə ekskursiya etmişdir. Onlardan 226 nəfəri
xarici ölkə vətəndaşı olmuşdur. Eyni zamanda YAP Naftalan şəhər təşkilatının Gənclər Birliyinin təşkilatçılığı ilə gənclər
mütəmadi olaraq Mərkəzdə görüşlər, tədbirlər
keçirmiş və xarici dil kursları təşkil etmişlər. Heydər Əliyev Mərkəzi ilə
tanış olan hər bir şəxsə Mərkəzin əməkdaşları tərəfindən ulu öndərin həyat və fəaliyyətinin
müxtəlif dövrlərini əks etdirən fotoşəkillər barədə geniş məlumat verilmişdir. Həmçinin
tarix müəllimləri tərəfindən şəhərin ümumtəhsil məktəblərinin XI sinif şagirdlərinə "Ümummilli lider Heydər Əliyevin ideyaları müasir Azərbaycanın sosial-iqtisadi
inkişafının təminatçısıdır” mövzusunda dərslər
tədris olunmuşdur. Yeni ailə həyatı quran gənclərin nikah mərasimlərini Heydər
Əliyev Mərkəzində keçirmələri artıq ənənə halını almışdır.
Şəhərdə
ayda iki dəfə nəşr olunmaqla "Naftalan” ictimai-siyasi qəzeti fəaliyyət göstərir.
Qəzetdə idarə, müəssisə və təşkilatlarda vətəndaşların qəbul qrafikləri, Azərbaycan
Respublikasının Qanunları, Prezidentin Fərman və Sərəncamları, eləcə də şəhərin
ictimai-siyasi həyatında baş verən hadisələr dərc olunmuşdur. "Naftalan” qəzeti
şəhərin ictimai-siyasi və sosial-iqtisadi həyatının müxtəlif sahələri üzrə əhalinin
məlumatlandırılması istiqamətində özünəməxsus rol oynamışdır.
Şəhərdə
dini qurum kimi yalnız bir "Cümə Məscidi” fəaliyyət göstərir. Ötən il də ”Dini
etiqad azadlığı haqqında” Azərbaycan Respublikası Qanununun tələblərinə əməl
olunmasına və radikal dini cərəyanlara meyili olan şəxslərin fəaliyyətinə nəzarət edilmişdir. Məlumdur ki, Prezident cənab İlham
Əliyevin Sərəncamına əsasən 2016-cı il "Multikulturalizm ili” elan
edilmiş və bununla bağlı meyllərin gücləndirilməsi üçün ölkəmizdə bütün zəruri
tədbirlər həyata keçirilmişdir. Hesabat dövründə Azərbaycan Respublikasının
millətlərarası, multikulturalizm və dini məsələlər üzrə Dövlət müşaviri Kamal
Abdullayev Ramazan bayramı münasibətilə Naftalan şəhərinə səfər
etmiş, Cümə məscidində olmuş, dindarlarla söhbət etmiş, onlara
mültikulturalizmlə bağlı kitablar və jurnallar təqdim etmişdir. O
cümlədən ölkə başçısı tərəfindən 2017-ci ilin Azərbaycanda "İslam Həmrəyliyi
İli” elan edilməsi "Multikulturalizm İli”nin davamıdır və inanırıq ki, bu islam
dünyasında əməkdaşlığın möhkəmlənməsinə, habelə müsəlman ölkələri ilə digər
dövlətlər arasında qarşılıqlı anlaşmaya şərait yaradacaqdır.
Naftalanda 1
şəhər və 1 kənd olmaqla 2 bələdiyyə fəaliyyət göstərir. Bələdiyyələr yerli əhəmiyyətli
problemlərin həllində mühüm rol oynayırlar. İl boyu bələdiyyələr öz büdcələrinə
uyğun olaraq, ərazilərdə mövcud yerli problemlərin aradan qaldırılması, küçə və
yolların abadlaşdırılması, ağac əkini və s. istiqamətlərdə tədbirlər həyata
keçirmişlər. Naftalan Bələdiyyəsi tərəfindən Qələbə parkında Xatirə kompleksinin
ətrafına dekorativ gül kolları və parkda ağaclar əkilmiş, onlara aqrotexniki
qulluq göstərilmişdir. Şəhid Vaqif Bayramovun xatirəsinin əbədiləşdirilməsi məqsədilə
yaşadığı binaya xatirə lövhəsi vurulmuşdur. Həmçinin Naftalan və Qaşaltı Bələdiyyələrinin yeni
inzibati binalarında tikinti işləri davam etdirilmişdir.
2016-cı
ilin yanvar ayından başlayaraq şəhər və kənd icra nümayəndəliyi tərəfindən ev təsərrüfatı
kitablarında toplanmış məlumatların dəqiqləşdirilməsi prosesi aparılmış və bu
işlərə mütəmadi olaraq nəzarət edilmişdir. Nümayəndəliklər hesabat dövrü ərzində
əraziyə xidmət göstərən təşkilatlarla sıx əlaqədə fəaliyyət göstərmiş, daimi ərazilərinin
vəziyyətini nəzarətdə saxlamışlar. Həmçinin digər qurumlardan və vətəndaşlar tərəfindən
nümayəndəliklərə göndərilmiş məktub, ərizə və müraciətlərin obyektiv
araşdırılmasına, qanunla müəyyən edilmiş müddətdə icrası təmin edilmişdir.
Azərbaycan
Respublikasının Prezidenti cənab İlham Əliyevin vətəndaş-məmur münasibətləri ilə
əlaqədar verdiyi tapşırığa əsasən şəhərdə çalışan dövlət qulluqçularının məsuliyyətinin artırılması məqsədilə onların
qarşısına konkret vəzifələr qoyulmuşdur. Ən mühüm vəzifə isə haqlı şikayətlərin
operativ qaydada həlli və vətəndaşların problemlərinə həssaslıqla yanaşılması
olmuşdur. Bu mənada kadrların ixtisasına uyğun yerləşdirilməsi ön plana çəkilmiş, ayrı-ayrı vəzifələrə təyin olunan kadrların
bilik, bacarıq və qabiliyyətləri ətraflı öyrənilmiş, hər bir təyinat aparılarkən
keyfiyyət meyarlarına böyük üstünlük verilmişdir. İl ərzində şəhərdə fəaliyyət
göstərən idarə, müəssisə və təşkilatlarda işçilərin əmək intizamı mütəmadi nəzarətdə
saxlanılmış, nöqsan aşkar olunan idarə rəhbərlərinə ciddi xəbərdarlıq
edilmişdir. Ötən il işində yol verdiyi
ciddi nöqsana görə Məşğulluq Mərkəzinin direktoru vəzifəsindən azad edilmişdir.
Şəhər
İcra Hakimiyyəti Başçısı aparatının bütün şöbələri və nümayəndəliklər informasiya-kommunikasiya texnologiyaları və
sürətli internetlə təmin edilmişdir. İKT-nin imkanlarından daha səmərəli
istifadə etmək məqsədilə şəhər İcra Hakimiyyətində, eləcə də bir neçə dövlət müəssisələrində operativ idarəetmə
mərkəzinin yaradılması üçün avadanlıqlar quraşdırılmış və yaxın vaxtlarda
istifadəsi nəzərdə tutulmuşdur. Vətəndaşların İcra Hakimiyyətinə operativ
müraciət etmələri üçün 352-22-78 nömrəli telefondan qaynar xətt kimi istifadə
olunmuş, www.naftalan-ih.gov.az
ünvanlı saytın "Elektron müraciətlər” bölməsi də bu əlaqələrin genişləndirilməsinə
imkan yaratmışdır. Ötən il ŞİH-nin rəsmi internet saytına yerləşdirilən məlumatların
daim yeniləşdirilməsinə, ərizə və şikayətlərin
elektron qaydada qəbulu və cavablandırılmasına ciddi nəzarət edilmişdir. Şəhərin
sosial-iqtisadi, ictimai-mədəni həyatında baş verən hadisələr, keçirilən müxtəlif
səpkili tədbirlər və vətəndaşların qəbulu ilə bağlı məlumatlar saytda əks olunmuşdur.
Vətəndaşların
şəhər İcra Hakimiyyəti aparatında qəbulu
və səyyari görüşlər zamanı aidiyyəti üzrə verilən hər bir tapşırığın icrasına ciddi nəzarət edilmiş, hər bir vətəndaşın müraciətinə müəyyən
edilmiş müddətdə baxılması, araşdırılması və onlara rəsmi məlumat verilməsi
diqqət mərkəzində saxlanılmışdır. Müraciətlərin sənədləşdirilməsi və baxılması
prosesində operativliyi təmin etmək, eləcə də icrasına nəzarətin gücləndirilməsi
və müvafiq təhlillərin aparılması məqsədilə xüsusi proqramdan istifadə
olunmuşdur. Daxil olmuş müraciətlər Yerli icra hakimiyyəti orqanlarında vətəndaşların
müraciətləri üzrə vahid elektron informasiya sistemi vasitəsilə qeydiyyata
alınmışdır.
2016-cı
il ərzində Naftalan Şəhər İcra Hakimiyyəti başçısı aparatına 175 müraciət daxil
olmuşdur ki, onlardan 87-si dövlət orqanlarından və digər qurumlardan, 88-i isə
vətəndaşlardan bilavasitə şəhər İcra Hakimiyyətinə ünvanlanmış müraciətlərdir.
Azərbaycan Respublikası Prezidenti Administrasiyasından daxil olmuş müraciətlərdən 7-si müsbət həll olunmuş, 70-nə müvafiq
izahat verilmiş, 7-si əsassız sayılmışdır. Respublikanın digər qurumlarından 1 ərizə
daxil olmuşdur ki, o da əsassız sayılmışdır.
Vətəndaşlar
tərəfindən şəhər İcra Hakimiyyətinə daxil olmuş 88 müraciətdən 79-u ərizə, 8-i şikayət, 1-i təklif olmuşdur ki,
bunlardan da 30-u həllini tapmış, 5-i
qismən həll olmuş, 49-na müvafiq izahat verilmiş, 2-si əsassız sayılmış, 1-i
icradadır, 1 müraciət isə baxılması üçün aidiyyəti orqana göndərilmişdir.
Şəhər
İcra Hakimiyyətində vətəndaşların qəbuluna xüsusi əhəmiyyət verilmişdir.
Binanın girişində İcra Hakimiyyəti başçısının, müavinlərin və şöbə müdirlərinin
qəbul günlərinin qrafikini əks etdirən lövhə asılmış, eləcə də bu barədə məlumatlar
və əlaqə telefonları ŞİH-nin saytında da yerləşdirilmişdir. Operativ və vacib həll
olunmalı məsələlərlə əlaqədar vətəndaşlar hər gün növbədənkənar qəbul
edilmişdir. 2016-cı
ildə Şəhər İcra Hakimiyyəti başçısı tərəfindən ilin əvvəlindən təsdiq olunmuş cədvələ
uyğun olaraq 142 nəfər vətəndaş qəbul edilib dinlənilmişdir.
Mövcud
problemlərin, vətəndaşların sosial əhəmiyyətli sifarişlərinin, tələb və təkliflərinin
öyrənilməsi məqsədilə 2016-cı il ərzində şəhər İcra Hakimiyyəti başçısı tərəfindən
səyyar keçirilən 23 görüşdə 58 nəfər vətəndaş müraciət etmişdir. Bütün
qəbul və görüşlər zamanı şəhərin idarə,
müəssisə və xidmət təşkilatlarının rəhbərlərinin iştirakı təmin edilmişdir. Hər
bir müraciətə baxılaraq müvafiq köməklik
göstərilmiş, bəzi hallarda qaldırılan problemlərin həlli qeyri-mümkün və ya əsassız
olduqda, onlara ətraflı izahat verilmişdir. Heç bir müraciət cavabsız
qalmamışdır.
Lakin
şəhər İcra Hakimiyyəti tərəfindən ətraflı izahatların verilməsinə baxmayaraq, bir
neçə vətəndaş müxtəlif instansiyalara təkrar, əsassız müraciətlər göndərməkdə
davam etmişdir.
Bundan
sonra da vətəndaşların qəbulu, onların ərizə, şikayət və təkliflərinə "Vətəndaşların
müraciətləri haqqında” Azərbaycan Respublikasının Qanunu ilə müəyyən edilmiş
qaydada baxılması və cavablandırılması təmin ediləcəkdir.
Şəhər
İcra Hakimiyyəti başçısı aparatında 2011-ci ilə dair bütün xidməti sənədlər
müvafiq komissiya tərəfindən ekspertizadan keçirilmiş, siyahısı tərtib olunmuş,
daimi saxlanılması nəzərdə tutulan sənədlər Dövlət Arxivinə təhvil verilmişdir.
Ölkə
başçısının tapşırığına uyğun olaraq, mərkəzi icra hakimiyyəti orqanları rəhbərlərinin
bölgələrdə vətəndaşlarla görüşü ənənə halını almışdır. Hesabat dövründə Azərbaycan
Respublikasının Fövqəladə hallar naziri Kəmaləddin Heydərov, Əmək və Əhalinin
Sosial Müdafiəsi naziri Səlim Müslümov, İqtisadiyyat naziri Şahin Mustafayev,
İnsan Hüquqları üzrə Müvəkkil (Ombudsman) Elmira Süleymanova, Təhsil naziri
Mikayıl Cabbarov, Əmlak Məsələləri Dövlət Komitəsinin sədri Kərəm Həsənov,
Nəqliyyat naziri Ziya Məmmədov şəhər ictimaiyyəti ilə görüşmüşlər. Belə görüşlərin
keçirilməsində əsas məqsəd bölgələrdə vətəndaşların arzu və şikayətlərini
birbaşa Mərkəzi icra hakimiyyəti orqanları rəhbərlərinə çatdırmaq imkanı əldə
etmələridir.
Hesabat
dövrünə təsadüf edən və ölkəmiz üçün əhəmiyyətli olan məsələlərdən biri də
sentyabr ayının 26-da keçirilən ümumxalq səsverməsi-referendum olmuşdur. Bu
seçkilər ölkəmizin hər yerində olduğu kimi Naftalan şəhərində də ədalətli, tam
şəffaf şəkildə keçirilmiş və naftalanlılar birmənalı olaraq bu referenduma "hə”
deyərək ölkə başçısının ətrafında birləşməklə
onun siyasi kursunu dəstəklədiklərini bir daha göstərdilər. Bu, onunla əlaqədardır
ki, Konstitusiyaya edilən əlavə və dəyişikliklər
zamanın tələbinə cavab verir, ölkəmizin və xalqımızın gələcək rifahına
xidmət edir.
Şəhərin
5 seçki məntəqəsi üzrə 5499 seçicidən 3875 nəfəri səsvermədə iştirak etmişdir.
Bu da ümumi seçici sayının 70.4 %-ni təşkil etmişdir. Məntəqə seçki
komissiyalarının səmərəli fəaliyyəti üçün onların yerləşdiyi inzibati binalarda
hər cür şərait yaradılmış, binaların fasiləsiz elektrik enerjisi, rabitə xidməti
ilə təminat məsələləri ciddi nəzarətə götürülmüş, onlara operativ xidmətin göstərilməsi
üçün hər bir kommunal sahə üzrə ayrıca mütəxəssis təhkim olunmuşdur. Bütün məntəqələr zəruri
inventar və avadanlıqlarla, o cümlədən dəmir seyf və elektrik
generatorları ilə təmin olunmuş, məntəqələr telefonlaşdırılmışdır. 2 məntəqədə
seçki prosesini onlayn müşahidə etmək məqsədi ilə veb kamera quraşdırılmışdır.
Bildiyiniz
kimi işğalçı ermənilərin xalqımıza, tarixi torpaqlarımıza qarşı yürütdüyü təxribatlar davam etməkdədir. Ötən ilin Aprel hadisələri bunu bir daha təsdiq etdi. Aprel ayında işğalçı Ermənistan tərəfindən Azərbaycana qarşı törədilmiş növbəti
təxribatın qarşısı alınan zaman ordumuzun əsgər və zabitləri qəhrəmanlıq göstərmiş,
bir neçə strateji yüksəkliklər və ərazilərimizin bir hissəsi geri
qaytarılmışdır.
Bu
döyüşlərdə şəhərimizin də qəhrəman övladı şəhid olmuş və böyüyüb boya-başa
çatdığı Naftalan şəhərində minlərlə insanın iştirakı ilə izdihamla son mənzilə yola salınmışdır. Dövlət
tərəfindən şəhidimizin göstərdiyi qəhrəmanlıq yüksək qiymətləndirilmiş, Vaqif
Bayramov ölümündən sonra göstərdiyi qəhrəmanlığa görə Azərbaycan
Respublikasının Prezidenti cənab İlham
Əliyevin sərəncamı ilə "Hərbi xidmətdə
fərqlənməyə görə" III dərəcəli medalı ilə təltif edilmişdir. 25
dekabr 2016-cı il tarixdə şəhidin doğum günü anılmışdır. Allahdan şəhidimizə
rəhmət, ailəsinə və yaxınlarına səbr diləyirik. Cənab Prezidentimizin də qeyd
etdiyi kimi, bu münaqişənin həllinin başqa yolları yoxdur. Dağlıq Qarabağ
bizim ayrılmaz torpağımızdır və biz ərazi bütövlüyümüzü bərpa etməliyik.
Hörmətli
toplantı iştirakçıları,
2016-cı
ildə sosial-iqtisadi sahədə əldə olunmuş uğurlar, sovet dönəmindən əhalini
narahat edən bir sıra sosial problemlərin ardıcıl uğurlu həlli istiqamətində
aparılan işlər bir daha onu göstərir ki,
Naftalanda inkişaf dinamik xarakter daşıyır və bütün sahələri əhatə edir.
Çıxışıma
yekun vuraraq qeyd etmək istəyirəm ki, 2016-cı il arxada qaldı, ölkə başçısının
Naftalan kurort şəhəri ilə bağlı tapşırıqlarının icrası nəticəsində şəhərimizdə
əsaslı işlər görülmüş və hazırda da davam etdirilir. Reallaşdırılan hər bir layihə
Naftalanın sosial-iqtisadi inkişafına müsbət təsir göstərməklə əhalinin
yaşayış səviyyəsinin yüksəlməsini təmin etmişdir.
Görülən
işlər, qarşıda duran vəzifələr deməyə əsas verir ki, 2017-ci il də Naftalan şəhəri
üçün uğurlu olacaqdır.
Naftalana göstərdiyi diqqət və qayğıya görə
mən naftalanlılar adından Prezident cənab İlham Əliyevə dərin minnətdarlığımı
bildirirəm.
Diqqətinizə
görə sağ olun!
Qlobal.az
