“Müharibə qaçılmazdır, Azərbaycan ordusu keyfiyyətcə, hətta Rusiya ordusundan da üstündür” – rusiyalı hərbi ekspert
İyul 14
12:51
2020
"Ermənistanla Azərbaycan arasında yeni müharibə ehtimalı çox yüksəkdir”.
Onun sözlərinə görə, hadisələr müharibəyə doğru gedir və ehtimal ki, bu, qaçılmazdır:
"Çünki problem heç bir şəkildə həll olunmur və bundan ötrü hətta nəzəri perspektivlər də görünmür. İndi iki seçim var: ya döyüşmək, ya da "nə sülh, nə də müharibə” ruhunda davam etmək, yəni dondurulmuş münaqişə. Lakin dondurulmuş münaqişələr, xüsusən də insanların öldürülməsi ilə davam edən, atışmaların müntəzəm baş verdiyi yerlərdə bu, adətən müharibəyə səbəb olur. Bu, 1973-cü ildən bu yana heç kimin atəş açmadığı Kiprdəki türk-yunan qarşıdurması deyil. Bu, İsrail-Livan sərhədindəki qarşıdurmadan da dəhşətlidir, çünki orada başa düşürlər ki, nəsə baş versə, heç bir tərəf üçün yaxşı olmayacaq”.
Hərbi ekspert daha sonra Azərbaycanın İsraillə fəal əməkdaşlıq etdiyini yada salaraq bildirib:
2016-cı ilin "4 günlük” müharibəsi zamanı Azərbaycan Silahlı Qüvvələrinin erməni ordusundan keyfiyyətcə üstünlüyü özünü göstərdi. Azərbaycanlılar o vaxt İsrail dronlarından əlavə, Rusiyanın "Buratino” adlı ağır sistemlərini erməni mövqelərinə qarşı tətbiq etmişdilər. Ermənilər üçün bu, əsl şok idi, o zaman onlar yetərincə ciddi itki vermişdilər”.
İşğalçı ordunun göstəricilərinə gəlincə, Felqenhauer hesab edir ki, Ermənistan sovet tipli bir orduya malikdir.
Fikrini yekunlaşdıran rusiyalı hərbi ekspert Ermənistanla Azərbaycan arasında barışıq baxımından vəziyyəti ümidsiz adlandırıb və əlavə edib:
"Qarabağ münaqişəsi kimi konfliktlərin daha böyük müharibə ilə nəticələnə biləcəyi ehtimalı yüksəkdir”.