SON XƏBƏR

MTRŞ sədrinin yeni müavini kim olacaq?

Mart 14
11:52 2019
Hazırda Milli Televiziya və Radio Şurasının (MTRŞ) sədr müavini vəzifəsi boşdur.

Şuradan Lent.az-a bildirilib ki, əvvəlki sədr müavini Qafar Cəbiyevin Şura üzvlüyünə səlahiyyət müddəti bitdiyi üçün müavinlik vəzifəsini də yerinə yetirməyəcək.

Qurumdan o da əlavə olunub ki, bu məsələ Şuranın daxilində üzvlərin səsverməsi ilə  həll olunur: "Yaxın günlərdə bu məsələ ilə bağlı ortaq məxrəcə gəlinəcək. Müzakirələr aparılacaq  ya səsvermə ilə yeni müavin seçiləcək, ya da müavin məsələsi, ümumiyyətlə, gündəlikdən çıxarılacaq”.

Qeyd edək ki, MTRŞ sədrinin müavini vəzifəzinin icra edən Qafar Cəbiyevin Şura üzvlüyünə  səlahyyət müddəti bu il martın 1-dən başa çatıb.

Hazırda Şuranın MTRŞ sədri Nuşirəvan Məhərrəmlidənbaşqa beş üzvü var. Onlar yeni təyin olunan Telli Pənahqızı, Bəxtiyar Balakişiyev və əvvəlldən fəaliyyət göstərənlər Cəfər Məmmədov, Mübariz Elyazov və Aslan Xəlilovdur. 



Oxşar xəbərlər

XƏBƏR LENTİ

Facebook