İlham Əliyev Asiya dövlət başçılarının zirvə görüşündə iştirak edəcək
İyun 10
14:38
2019
Azərbaycan prezidenti İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirə (CICA) dövlətlərinin başçılarının beşinci zirvə görüşündə iştirak edəcək. Sammit iyunun 15-də Tacikistanın paytaxtı Düşənbədə keçiriləcək.
"Düşənbə zirvə görüşündə iştirak etmək üçün Tacikistana 12 ölkənin prezidentləri gələcək. Bu ölkələr Çin, Rusiya, İran, Azərbaycan, Özbəkistan, Qazaxıstan, Qırğızıstan, Türkmənistan, Banqladeş və Şri-Lankadır”, - məlumatda bildirilir. Agentliyin xəbərinə əsasən. CICA üzvü olan daha 15 ölkə baş nazir və xarici işlər nazirləri səviyyəsində təmsil olunacaqlar.
Sammitin işi ilə paralel olaraq, nümayəndə heyətlərinin rəhbərlərinin Tacikistan prezidenti Emoməli Rəhmonla ikitərəfli görüşləri də planlaşdırılır.