“Hökumət ərəblərin ölkəmizə gəlişini muştuluq kimi təqdim edir, halbuki…”
Fevral 14
16:12
2017
Sərdar Cəlaloğlu: "Onlar hansı ölkəyə gedirlərsə, orada terrorizm inkişaf edir”
"Ərəblərin Azərbaycana gəlişini hökumət muştuluq kimi təqdim edir. Halbuki, ərəblər dünyanın hansı ölkəsinə gedirlərsə, orada terrorizm inkişaf edir. Çünki gələn ərəblərin sırasında kimlərin ölkəmizə gəldiyi heç kimə bəlli deyil. Onlardan hansının terrorçu olub-olmadığı, Azərbaycanda hansı radikal qrup qurub-qurmayacağı bizə bəlli deyil. Sosial böhran şəraitində yaşayan xalq istənilən xarici gücün təsirinə düşür. Məsələn, ərəblər gəlir, əxlaqsızlıq edirlər, bazar-dükanda Azərbaycan vətəndaşının ala bilmədiyi nə varsa onları silib-süpürürlər. Onlar maddi çətinlik içərisində olan bəzi şəxslərə maddi yardım edib onları öz ideologiyalarına qoşa bilərlər. Bu isə ölkəmiz üçün arzuedilməz nəticələrə gətirib çıxara bilər”.