SON XƏBƏR

Hicran Hüseynovanın sözçüsü qadınları təhqir etdi: İt, kor.. (FOTOLAR)

Oktyabr 24
14:14 2019
Son zamanlar prezident İlham Əliyevin həyata keçirdiyi islahatlar bəzi məmurları vəzifəsini itirmək qorxusuna salıb.

Qlobal.az aktual.az-a istinadən xəbər verir ki, "Vətəndaş” İctimai Birliyinin sədri Günel Səfərovanın Ailə, Qadın və Uşaq Problemləri üzrə Dövlət Komitəsinin də struktur islahatlarına aid edilməsi barədə təklifinə vətəndaş cəmiyyətindən dəstək gəlib.

Neftçilərin Hüquqlarının Müdafiə Komitəsinin sədri Mirvari Qəhrəmanlının "Ailə uşaq komitəsinə ehtiyac duyulur ki? Yaxud bu komitənin varlığını kimsə hiss edir ki? Bu komitə demək olar ki yoxdur” şərhi Komitənin İnformasiya və Analitik araşdırmalar şöbəsinin müdiri Elgün Səfərovu həyəcanlandırıb. O, Mirvari Qəhrəmanlını təhqir edib:

"Dövlət Komitəsinin fəaliyyətini görməyən kor insandır. Sadaladığınız insanlar Hicran Hüseynovanın kadrlarıdı. Xanımın rəhbərliyi və dəstəyi ilə formalaşıblar. Komitə Azərbaycanda gender bərabərliyi və məişət zorakılıqla mübarizə sisteminin yaradılmasında iştirak edib. Bizim fəalliyətimiz hər gün aparılır: təlimlər, proqramlar, hesabatlar, preventiv tədbirlər, qurbanlarla iş, psixolojı və hüquqi yardım və s. Olan səlahiyyətlərlə müqayisə etsək bu son 15 il ərzində görülən işlər müqayisəedilməzdi. Bu işdə Hicran xanımın çox böyük töhvəsi var. QHT-nin və Komitənin fəalliyyəti birgə olmalıdı. QHT-lər dəstək almalıdı. Komitə ləğv edilsə Azərbaycanda gender bərabərliyinin təmin edilməsi sahəsində mərkəzi qurum olmayacaq. Sonda bir sözdə deyim: İt hürər, karvan keçər”.

Mirvari Qəhrəmanlı isə təhqir olunduğunu bildirib: "Kor özünsən.Ayıb olsun sənə. Heç gözləməzdim səndən. Mən düşündüyümü, gördüyümü deyirəm. Buna görə məni təhqir eləməlisən ki? Sonda isə deyirəm; İt özünsən.Tərbiyəsiz! Mən fikrimi bildirdim sən məni təhqir etdin. Bəlkə də nəvəm yaşındasan. Sənə kim haqq verib məni təhqir etməyə? Səni aşağılayacaq nəsə yazdım ki? Yenə də utan, yerə gir. Mən səni tərbiyəli peşəkar bir insan hesab edirdim. Gör sizə müraciət edən qadınlarla necə davranırsınız”.

Mirvari Qəhrəmanlı Elgün Səfərova, ondan üzr gözlədiyini xatırladıb. E.Səfərova isə bundan sonra susaraq heç bir şərh yazmayıb.
 
Qlobal.az
 

 

 

 

 

 




Oxşar xəbərlər

XƏBƏR LENTİ

Facebook