Gürcüstanın baş naziri: “Tbilisidə təhlükə neytrallaşdırılıb”
Noyabr 22
22:20
2017
"Tbilisidə təhlükə neytrallaşdırılıb və şəhərdə hərəkət etmək təhlükəsizdir”.
APA-nın yerli bürosunun məlumatına əsasən, bu barədə Gürcüstanın baş naziri Giorgi Kvirikaşvili deyib.
O, xüsusi əməliyyatda iştirak etmiş xüsusi təyinatlılara və DİN əməkdaşlarına minnətdarlığını bildirib: "Təəssüflər olsun ki, bir xüsusi təyinatlı ölüb. Həmin şəxs həqiqi qəhrəmandır və onun ailəsinə başsağlığımı bildirirəm. Yaralanmış xüsusi təyinatlıların isə tezliklə sağalmasını diləyirəm”.
G.Kvirikaşvili Dövlət Təhlükəsizliyi Xidmətinin rəisi Vaxtanq Qomelauri ilə birgə antiterror əməliyyatı zamanı yaralanmış xüsusi təyinatlılara baş çəkib.
Xatırladaq ki, Tbilisidə həyata keçirilmiş antiterror əməliyyatı zamanı terrorçuluqda şübhəli bilinən 3 nəfər zərərsizləşdirilib, bir nəfər isə saxlanılıb. Əməliyyat zamanı bir xüsusi təyinatlı ölüb, ikisi isə yaralanıb. Gürcüstan DİN-nin 2 əməkdaşı da xəsarət alıb.
APA-nın yerli bürosunun məlumatına əsasən, bu barədə Gürcüstanın baş naziri Giorgi Kvirikaşvili deyib.
O, xüsusi əməliyyatda iştirak etmiş xüsusi təyinatlılara və DİN əməkdaşlarına minnətdarlığını bildirib: "Təəssüflər olsun ki, bir xüsusi təyinatlı ölüb. Həmin şəxs həqiqi qəhrəmandır və onun ailəsinə başsağlığımı bildirirəm. Yaralanmış xüsusi təyinatlıların isə tezliklə sağalmasını diləyirəm”.
G.Kvirikaşvili Dövlət Təhlükəsizliyi Xidmətinin rəisi Vaxtanq Qomelauri ilə birgə antiterror əməliyyatı zamanı yaralanmış xüsusi təyinatlılara baş çəkib.
Xatırladaq ki, Tbilisidə həyata keçirilmiş antiterror əməliyyatı zamanı terrorçuluqda şübhəli bilinən 3 nəfər zərərsizləşdirilib, bir nəfər isə saxlanılıb. Əməliyyat zamanı bir xüsusi təyinatlı ölüb, ikisi isə yaralanıb. Gürcüstan DİN-nin 2 əməkdaşı da xəsarət alıb.
