“France 24”-də keçirilən teledabat Azərbaycanın haqlı mövqeyini ortaya qoydu
Aprel 12
14:41
2016
Ermənilər niyə "France 24” telekanalında efirə gedən teledebatı yaymadılar?
Fransanın
ən məşhur və reytinqli telekanalı "France 24”-ün Azərbaycanın və
Ermənistanın Fransadakı səfirlərini Dağlıq Qarabağ bölgəsində baş vermiş son
hadisələrlə bağlı teledebata dəvəti və erməni səfirin debatdan imtina etməsi
ilə bağlı yayılan xəbər geniş müzakirələrə səbəb oldu. Bu məsələyə münasibət
bildirən Avropanın ən ünlü siyasətciləri, eləcə də Fransa Milli Asambleyasının
deputatları Ermənistan təmsilçisinin dialoqdan yayındığına təəssüfləndiyini
bildirdi. Hətta senator Jan Fransua Mansel yaydıgı bəyanatda Ermənistan səfirinin məsuliyyətsiz addımından
hiddətləndiyini bildirmiş, bunun
Ermənistanın atəşkəsi pozduğunu, eyni zamanda beynəlxalq hüquq
normalarına riayət etmədiyinin subutu kimi dəyərləndirdi.
Dünən "France 24”-ün yenidən
teledebata dəvətinə isə yenə də Ermənistanın Fransadakı səfiri yox, Fransa
Erməni Təşkilatları Koordinasiya Şurasının ( CCAF ) həmsədri Murad Papazyan
qatıldı və onun da ermənilərin
üzünü ağartmaq cəhdi iflasa uğradı. Azərbaycanın
Fransadakı Səfiri cənab Elçin Əmirbəyov teledebatada Azərbaycan tərəfinin
ədalətli mövqeyini, Ermənistanın terrorist, dinc əhaliyə qarşı apardığı qəsbkar
siyasətini inandırıci dəlillərlə təqdim etdi. Ermənistanın Fransa ictimaiyyətini
aldatdığını, Xocalı soyqırımını xatırladan azərbaycanlı diplomat Ermənistanı
beynəlxalq cinayətkar adlandırdı, Ermənistanın
Azərbaycan torpaqlarının 20 fazini işğal etdiyini və bunun da nəticəsində 1
milyondan artıq azərbaycanlının qaçqın və məcburi köçkün halına düşdüyünü diqqətə
çatdırdı. Ermənistanın atəşkəsi pozduğunu, eyni zamanda beynəlxalq
hüquqa və Azərbaycanın tarixi Dağlıq Qarabağ regionunun və onun ətrafında yerləşən
7 rayonun qanunsuz işğal altında saxlamasına dair BMT-nin Təhlükəsizlik
Şurasının qətnamələrinə (822, 854, 874 və 884) riayət etmədiyi bir daha
vurğuladı. Azərbaycan səfiri qətiyyətlə bildirdi ki, Azərbaycan öz torpaqlarının
itirilməsi ilə heç vaxt barışmayacaq və biz öz torpalarımızı azad edəcəyik.
"France
24”-də Azərbaycanın Fransadakı Səfiri cənab
Elçin Əmirbəyov və Fransa Erməni Təşkilatları Koordinasiya Şurasının
(CCAF) həmsədri Murad Papazyan
arasında yayımlanan teledebat
bir daha Azərbaycan tərəfinin sülsevər və haqlı mövqeyini ortaya qoydu. Eyni zamanda bu teledabat bir
daha sübut etdi ki, bütün Qafqazda təhlükə mənbəyi olan və siyasi hakimiyyətə
yiyələnmiş cinayətkar dəstə tərəfindən idarə olunan Ermənistan dövləti tarixi
Azərbaycan torpaqlarında süni surətdə yaradılmış, xarici qüvvələrin əlində
oyuncaq rolunu oynayan və başqa dövlətlər üçün forpostfunksiyası daşıyan
qondarma bir qurumdur.
Məlumat uçün bildiririk ki, Fransa Erməni Təşkilatları Koordinasiya Şurasının
həmsədri Murad Papazyan Fransanin
indiki prezidenti Fransua Hollandın 2011-2012 illərdə musaviri olmuş və ona
yaxinlığı ilə seçilən simalardan sayılır. Ermənilər başçıları Murad
Papazyanın bütün Fransa və onun hüdudlarından kənarda
seyr edilən auditoriya qarçısında Erməni dövlətini və onun siyasətini biabır
etdiyini nəzərdə tutaraq "France 24” telekanalında efirə gedən
teledebatı özlərinin rəsmi saytlarında belə yerləşdirməkdən
imtina etdilər. Bu erməni təşkilatının çoxillik fəaliyyəti dövründə onları
məyus edən ilk hadisədir və ümid edirik ki, ermənilərin hərbi cəbhədəki
məğlubiyyətləri kimi ideoloji cəbhədə də sonuncu olmayacaq. ("Xalq qəzeti”)
Qlobal.az
