Ermənistanın yeni xarici işlər naziri keçmiş səfirdir
Noyabr 19
12:27
2020
Ermənistanın baş naziri Nikol Paşinyan noyabrın 18-də xarici işlər nazirinin müavini Ara Ayvazyanı nazir təyin edib.
"AzPolitika.info" Rusiya KİV-lərinə istinadən xəbər verir ki, Ayvazyan xarici işlər nazirinin müavini vəzifəsinə iki gün əvvəl – noyabrın 16-da təyin edilmişdi.
Yeni xarici işlər nazirinin 51 yaşı var. O bundan əvvəl Ermənistan Respublikasının Meksikada, Kosta-Rikada, Kubada, Hondurasda, Qvatemalada, Panamada və Baltikyanı ölkələrdə səfiri vəzifələrində çalışıb.
Xatırladaq ki, Azərbaycanla 44 günlük müharibədə ağır məğlubiyyətə uğrayan Ermənistanda siyasi böhran yaranıb. Birləşmiş müxalifət qüvvələri Paşinyanın istefasını, yeni seçkilərin keçirilməsini tələb edirlər.