Erməni əsilli nazir Saakaşvilinin qayıdışını Donbas hadisələri ilə müqayisə etdi
Sentyabr 11
17:01
2017
Ukraynanın daxili işlər naziri Arsen Avakov Mixail Saakaşvilinin Polşa-Ukrayna sərhədini keçməsini Donbasda silahlı münaqişənin başlaması ilə müqayisə edib.
Avropa.info xəbər verir ki, o, bu barədə öz "Facebook” səhifəsində yazıb. O, vəziyyəti 2014-cü ildə rus separatçılarının Ukrayna-Rusiya sərhədində dövlət binalarını ələ keçirməsi ilə müzakirə edib.
"Mən sərhədçiləri əzib cəzasızlıqdan sərxoş olaraq qaçan kütlənin kadrlarına baxanda 2014-cü ildə İzvarino sərhəd zastavasını xatırladım. Bağışlayın məni, bu analogiyanı gətirmək mənim üçün çox ağrılıdır, ancaq dejavu çox aydındır” – Avakov belə yazıb.
O deyib ki, sərhədi qanunsuz keçən Saakaşvili dərhal iki variantdan birini seçməlidir: "Şeqini” sərhəd-buraxılış məntəqəsinə, yaxud miqrasiya xidmətinə gələrək qeydiyyatdan keçməlidir.
Qeyd edək ki, Ukrayna vətəndaşlığından məhrum edilən Saakaşvili böyük qalmaqalla Ukrayna sərhədini keçmişdi. Tərəfdarları sərhəd mühafizəsini yararaq, onu Ukrayna ərazisinə keçirməyi bacarmışdılar.
