Əli Kərimlidən 1 milyon manatlıq reket plan- Koalisiya Şurasında nə baş verir? TƏFƏRRÜAT
Fevral 10
03:14
2017
İctimai
Birliklərin "Mədən sənayesində şəffaflığın artırılması” (MSŞA) Koalisiyasında son zamanlar bir
sıra qalmaqallar yaşanmaqdadır. Fevral ayının 7-də Dövlət Neft Fondunda
fondun direktoru Şahmar Mövsümovun Mədən Sənayesində Şəffaflığın
Artırılması Koalisiyasının bir qrup üzvü ilə keçirdiyi görüşdən sonra
koalisiyada gedən gizli proseslər açıq müstəviyiə keçib. Belə ki, Şahmar
Mövsümovun görüşünü hakimiyyətin koalisiyanın müstəqil fəaliyyətinə "açıq
müdaxilə” kimi dəyərləndirən Koalisiya Şurasının 6 üzvü - Akif Qurbanov, Qubad
İbadoğlu, Oqtay Gülalıyev, İlham Hüseynli, Azər Rəsul və Əlövsət Sadıxlı görüşə
qatılmayıblar.
Mədən Sənayesində Şəffaflığın Artırılması (MSŞA) Koalisiyasında baş
verən gizli proseslər barədə Qlobal.az ilginc informasiyalar əldə edib.
Əldə etdiyimiz məlumatda deyilir ki, 2015-ci ildə MSŞT-də tamhüquqlu
üzv statusunu itirən Azərbaycan ötən ilin payızında MSŞT üzrə beynəlxalq idarə
heyətinin Astanada keçirilən 35-ci toplantısında itirdiyi tamhüquqlu üzv
statusunun bərpası üçün təqdim edilən tədbirlər planını uğurla yerinə
yetirdiyinə görə namizəd statusu idarə heyəti tərəfindən saxlanıldı. İdarə heyətinin
bu qərarını gözləməyən koalisiyadakı müəyyən qrup bundan sonra açıq- aşkar Azərbaycan
hökumətini şantaj etməyə başladı.
Mənbənin bildirdiyinə görə, Şahmar
Mövsümovun Mədən Sənayesində Şəffaflığın Artırılması (MSŞA) Koalisiyası ilə
keçirdiyi görüşə qatılmayan şuranın üzvləri arasında birbaşa AXCP-nın sədri Əli
Kərimlinin tapşırıqlarını yerinə yetirən şəxslər var. MSŞA Koalisiyasına yerləşdirilmiş
bu "gizli minaları” işə salmaqda məqsəd isə Azərbaycan hakimiyyətini uzun illərdən
bəri öz iradələrinə tabe etmək istəyən bir sıra qlobal miqyaslı təşkilatlardır.
İlginc məqam isə mafiyalaşmış həmin qlobal təşkilatların rezidenti olan Əli Kərimlinin
mövcud vəziyyətdən yararlanmaq istəməsidir.
Saytımızı bilgiləndirən mənbənin sözlərinə görə, Koalisiya Şurasında
təmsil olunan "üsyankar” iki şəxs Əli Kərimlinin göstərişlərini həyata keçirirlər.
Mətbuata daha radikal açıqlamalar verən bu iki şəxsin ən ümdə məqsədi Əli Kərimlinin
"çəkisini” hakimiyyətə və beynəlxalq təşkilatlara nümayiş etdirməkdir.
Məlumatda deyilir ki,
Koalisiya Şurasında təmsil olunan "cütlüyün” vasitəsilə süni ajiotaj yaradan Əli
Kərimlinin istəyi hakimiyyətdən, konkret olaraq Şahmar Mövsümovdan
külli miqdarda pul almaqdır. Konkret rəqəmin məbləğinə gəldikdə isə bunun bir
milyon manat olduğu söylənilir. Mənbə deyir ki, Əli Kərimlinin Koalisiya
Şurasındakı əsas nümayəndəsi bu rəqəmi fevral ayının əvvəlində hakimiyyətyönlü şəxsin vasitəsilə Şahmar
Mövsümova çatdırıb. Məlumata görə, Şahmar Mövsümov isə "təklifi” qəti rədd edərək
Azərbaycan dövləti ilə bu cür şantaj diliylə danışmağın artıq tarixdə qaldığını
deyib.
Şahmar Mövsümovun fevral ayının 7-də keçirdiyi görüşdə əsas məqsədi
isə baş verənlərdən Koalisiya Şurasının üzvlərini xəbərdar etmək olub.
Mənbə bildirir ki, İdarə Heyətinin gələn ayın birinci ongünlüyündə
Kolumbiyada keçiriləcək iclasında Azərbaycanın əvvəlki tam hüquqlu üzv
statusunun qaytarılacağı ehtimalı böyükdür. Bunun fərqində olan Əli Kərimli isə
Koalisiya Şurasındakı adamlarını "körükləməklə” istəyinə daha tez nail olmağa
çalışır.
Əli Kərimlinin istəyinə- daha doğrusu arzuladığı bir milyon manata çatmaq arzusu artıq puç olmaq üzrədir.
Sonda onu da qeyd edək ki, son zamanlar "Azadlıq” qəzeti və saytı ətrafında
baş verən hadisələr də Əli Kərimlinin planının tərkib hissəsıdır. Belə ki, Əli
Kərimli "Azadlıq” qəzetinin və saytının
ciddi maliyyə böhranı içində olduğunu xüsusi qabartmaqla Koalisiya Şurasındakı
maxinasiyalarını ətrafındakı insanlardan gizlətməyə çalışır.
Qlobal.az
