Ege Hospitalda xəstə 2 saat çəkən ürək masajı ilə həyata qayıtdı
Dekabr 02
11:51
2019
Ege Hospitala ürəkdə öldürücü aritmiya və ürək - tənəffüs dayanması vəziyyətində gətirilmiş 1978-ci il təvəllüdlü Səməd Əhədov adlı xəstə 2 saatdan çox ürək masajı edilərək həyata qaytarılıb.
Qlobal.az xəbər verir ki, Ege Hospitalın uzman kardioloqu Aysel İslamlı tərəfindən angioqrafiya laboratoriyasına alınan xəstənin ürəyini qidalandıran tac damarlarının tıxalı vəziyyətdə olması aşkar edilmişdir. Ürək damarından tromb aspirasiya edilərək təmizlənmiş, balon və stent yerləşdirilərək damar axınının bərpası əməliyyatı həyata keçirilmişdir.
Əməliyyatdan öncə və sonra aritmiya "fırtınası” yaşayan xəstəyə 25-30 dəfə elektroşok uyğulanmışdır. Və xəstə həyata döndürülmüşdür.
Uzman kardioloq Aysel İslamlı bildirib ki, tez-tez bu vəziyyətdə olan xəstələrlə rastlaşırıq. Amma bu qədər uzun çəkən ürək masajı sonrasında xəstənin gündəlik həyatını tam sağlam şəkildə davam etdirməsi çox sevindirici və nadir bir vəziyyətdir.
5 gündən sonra evə buraxılan Səməd bəyin övladları bildirib ki, öncə Allahın sonra isə həkimlərin sayəsində atam bu gün bizimlədir. "Allah heç bir övladı valideynsiz etməsin. Bizi atasız qoymadığı üçün Aysel həkimə və Ege Hospital kollektivinə öz dərin minnətdarlığımızı bildiririk"-deyə, Səməd Əhədovun övladı bildirib.
Şəkil xəstənin öz razılığı ilə paylaşılmışdır.
Ünvan: Akademik Həsən Əliyev küçəsi 38.
Tel: 11-17 və ya 050 299-11-17
Ege hospital – Sağlamlığınız Sağlamlığımızdır
Qlobal.Az
