DİN “Fairmont Baku”da saxlanılanlarla bağlı məlumat yaydı - Fotolar
İyul 05
21:34
2020
Daxili İşlər Nazirliyi "Fairmont Baku" otelində karantin rejimini pozduğu üçün saxlanılanlarla bağlı açıqlama yayıb.
DİN-in Mətbuat Xidmətinin yaydığı məlumatda deyilir:
Səbail RPİ əməkdaşlarının keçirdiyi müvafiq tədbirlərlə yayılan görüntülərdə əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub. Saxlanılan şəxslərin hər biri ilə profilaktik, izahedici söhbətlər aparılaraq onların diqqətinə çatdırılıb ki, bu əməllər ölkədə tətbiq olunan epidemiya əleyhinə rejimin, sanitariya-gigiyena və karantin qaydalarına zidd olmaqla, insanların həyat və sağlamlığı üçün risk daşıyır. Onlar izahatlarında bu hərəkətlərindən səmimi peşmançılıqlarını ifadə ediblər.
Saxlanılan şəxslər İnzibati Xətalar Məcəlləsinə uyğun olaraq məsuliyyətə cəlb ediliblər".
Qlobal.Az