Deputatlığa namizəd Fatma Yıldırım Bərdə rayon ağsaqqalları və Qarabağ müharibəsi əlilləri ilə görüş keçirib

SON XƏBƏR

"Rus sərhədçiləri Tavuşdakı postları tərk edəcək" - PaşinyanErmənistanın Baş naziri Nikol Paşinyan bildirib ki, rus sərhədçiləri Tavuşdakı postları tərk edəcək. APA "news.am"a istinadən xəbər verir ki, bu barədə Ermənistan hökumət başçısı jurnalistlərlə ..
Azərbaycanda daha bir bank bağlanır - RƏSMİ AÇIQLAMA"Naxçıvanbank” ASC bu ilin ilk rübündə 12 milyon manata yaxın kiçilib. Bankın aktivləri 1 aprel 2024-cü il tarixinə 194,6 milyon manat təşkil edib. Bu isə 2023-ci ilin sonu ilə müqayisədə 11,6 mi..
Nazirliyin üç strukturu dövlət orqanlarının aparatı siyahısından çıxarıldıƏmək və Əhalinin Sosial Müdafiəsi Nazirliyinin üç strukturu dövlət orqanlarının aparatı siyahısından çıxarılıb. Bununla bağlı Nazirlər Kabineti qərar verib. Qərarda deyilir: 1. Azərb..
Medianın İnkişafı Agentliyi jurnalistlərə çağırış edibErmənistanın və bir sıra digər xarici ölkələrin media resurslarında Azərbaycan ərazisindən üçüncü dövlətə qarşı hərbi məqsədlərlə istifadə edilməsi haqqında mənbəyi məlum olmayan, habelə reallıqdan uz..
Şimali Koreya “super” döyüş başlıqlı raketini sınaqdan keçiribSanksiyalara baxmayaraq, nüvə silahı istehsalı və ballistik raket sınaqlarını davam etdirən Şimali Koreya dünyaya növbəti dəfə meydan oxuyub. "AzPolitika” xəbər verir ki, Pxenyan "super” dö..
"Şimali Kipr, Türkiyə və Azərbaycan tibb sahəsində imkanlarını birləşdirməlidir" - Ersin TatarŞimali Kipr, Türkiyə və Azərbaycan tibb sahəsində imkanlarını birləşdirməlidir. "Report” "Anadolu”ya istinadən xəbər verir ki, bunu Şimali Kipr Prezidenti Ersin Tatar Türkiyə-Azərbaycan və Şi..
Bakıda 42 yaşlı prokuror qəfil vəfat etdiBaş Prokurorluğun yüksəkvəzifəli əməkdaşı dünyasını dəyişib. Prokurorluğun Təşkilat və İcraya Nəzarət İdarəsinin böyük prokuroru, 42 yaşlı Rəhman Əhmədov ötən gün qəfil vəfat edib. Onun yaşa..
Hikmət Hacıyev Azərbaycanın COP29-a ev sahibliyi etməsindən danışdıADA Universitetində təşkil edilən "Xəzər Hövzəsi Araşdırmaları” proqramının bağlanış mərasimi keçirilib. Musavat.com xəbər verir ki, Xorvatiya, Macarıstan, Moldova, Misir, Nepal, İordaniya, Küveyt..
Viktor Orban: "Brüssel odla oynayır və Allahı sınağa çəkir""Qərb ölkələrinin Ukraynaya hərbi personal göndərməsinə bir addım qalıb". Qaynarinfo xəbər verir ki, bunu Macarıstanın baş naziri Viktor Orban deyib. "Bu, Avropanı dibinə sürükləyə biləcək..
Vladimir Kazimirov ölübRusiyalı diplomat Vladimir Kazimirov ölüb. APA xəbər verir ki, bu barədə rusiyalı deputat Konstantin Zatulin bildirib. V. Kazimirov 95 yaşında ölüb. Diplomat keçmiş ATƏT-in M..

Deputatlığa namizəd Fatma Yıldırım Bərdə rayon ağsaqqalları və Qarabağ müharibəsi əlilləri ilə görüş keçirib

Yanvar 18

18:42 2020

Ölkəmizdə keçiriləcək parlament seçkiləri ilə əlaqədar yanvarın 17-də Yeni Azərbaycan Partiyası (YAP) tərəfindən 93 saylı Bərdə şəhər seçki dairəsi üzrə deputatlığa namizədliyi irəli sürülmüş Fatma Yıldırımın Bərdə rayon ağsaqqalları və Qarabağ müharibəsi əlilləri ilə görüşləri keçirilib.

Görüşləri YAP Mərkəzi Seçki Qərargahının Bərdə rayon şöbəsinin sədri Fəqət Şadlinskaya açaraq bildirib ki, bu günə qədər keçirilən bütün seçkilərdə partiyamızın namizədlərinin qələbə qazanması, Azərbaycanın rifahı və quruculuğu naminə fəaliyyət göstərməsi xalqda partiyamıza və onun parlamentdəki təmsilçilərinə böyük rəğbət qazandırıb. Təşkilat sədrinin sözlərinə görə, 9 fevralda keçiriləcək parlament seçkilərində də namizədlərimizin dəstəklənəcəyinə əminik: "Çünki cənab İlham Əliyevin Sədrliyi ilə Yeni Azərbaycan Partiyası xalqımızın həyatında müstəsna xidmətləri ilə seçilən partiyadır. Parlament seçkilərində Yeni Azərbaycan Partiyası tərəfindən ən layiqli namizədlər irəli sürülüb və buna görə də partiyamız əvvəlki seçkilərdə olduğu kimi, budəfəki seçkilərdə də qələbə qazanmaq əzmindədir”.

Görüşlərdə çıxış edən deputatlığa namizəd Fatma Yıldırım ilk olaraq göstərilən etimada görə Yeni Azərbaycan Partiyasına, partiyanın Sədri, ölkə Prezidenti cənab İlham Əliyevə dərin minnətdarlığını bildirib. Fatma Yıldırım seçicilərə Yeni Azərbaycan Partiyasının seçki platforması və öz fəaliyyəti barədə ətraflı məlumat verib. O qeyd edib ki, Azərbaycan Prezidenti cənab İlham Əliyev tərəfindən aparılan uğurlu islahatların nəticəsidir ki, dövlətimiz gündən-günə inkişaf edir, iqtisadiyyatımız güclənir, insanların rifah halı yaxşılaşır: "Bütün bunlara görə möhtərəm Prezidentimiz cənab İlham Əliyevə təşəkkür edirik”.

Görüş iştirakçılarından İslam Əzimov, Yaşar Zamanov, Xosrov Musayev, Əliş Şərifov, Bəhrəm Nərimanov, İsmayıl Rüstəmov, Rizvan Qasımov və Samir Səfərov çıxış edərək Yeni Azərbaycan Partiyasının namizədinin ilk görüşünü rayon ağsaqqalları və Qarabağ müharibəsi əlilləri ilə keçirməsini yüksək qiymətləndiriblər. Natiqlər seçicilərin 9 fevral parlament seçkilərində YAP-ın namizədi Fatma Yıldırıma səs verəcəklərini bildirib və onun qalib gələcəyinə əminliklərini ifadə ediblər.

Sonda YAP Bərdə rayon təşkilatının sədri Fəqət Şadlinskaya seçiciləri seçki günü fəal olmağa və Yeni Azərbaycan Partiyasının namizədinə səs verməyə çağırıb.

(YeniAzərbaycan.com)