SON XƏBƏR

Bu gün Milli Qəhramanımız Quliyev Mirzə Məcid oğlunun doğum günüdür!

Yanvar 11
12:26 2017
Bu gün Azərbaycanın Milli Qəhrəmanı Quliyev Mirzə Məcid oğlunun doğum günüdür.
 
Quliyev Mirzə Məcid oğlu 11 yanvar 1974-cü il Bərdə rayonunun Saatlı kəndində anadan olmuşdur. 1980-1991-ci illərdə burada təhsil almışdır. 1992-ci il hərbi xidmətə çağırılmışdır. Quliyev Mirzə dövlətçiliyimizin qorunmasında da, vətənpərvərlik borcucu layiqincə yerinə yetirir. Mirzə Polis Akademiyasını bitirdikdən sonra DİN-də işə qəbul edilir. 
 
Sədərək cəbhəsində döyüşlərə atılan Mirzə burada böyük şücaətlər göstərmişdi. PDM-də tuşlayıcı-atıcı kimi döyüşlərə girən cəsur döyüşçü onlarla erməni yaraqlısını məhv etmişdi. 1993-cü il 28 iyul tarixdə Ağdam cəbhəsinə göndərilir. Ağdam cəbhəsində Mirzə burada qaynar döyüşlərə girir və qəhrəmanlıqlarla dolu səhifələr yazır. Daha sonra Füzuli, Tərtər, Ağdərə uğrunda gedən döyüşlərə atılır və PDM-si ilə xeyli erməni tankını alova bürüyür.
15 yanvar 1995-ci il "Hərbi xidmətlərə görə” medalı ilə təltif edilir.
 
Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Quliyev Mirzə Məcid oğlu döyüşlərdə göstərdiyi igidliklərə görə "Azərbaycanın Milli Qəhrəmanı” adına layiq görülmüşdür.
 
Qlobal.az
 






Oxşar xəbərlər

XƏBƏR LENTİ

Facebook