Bağçasız, işıqsız, yolsuz, susuz Mehdiabad- REPORTAJ
Aprel 19
23:12
2016
Abşeron
rayonu paytaxt Bakıya bitişik olan yeganə rayondur. Rayonunun inzibati mərkəzi sayılan Xırdalana
şəhər statusunun verilməsi Abşeronun simasını xeyli dəyişıb. Rayonun mərkəzi hissəsinin infrastrukturu yenilənib. Ancaq bu yenilənmə heç
də Abşeron rayonunu bütünlüklə əhatə eləmir. Rayonun hələ də elə qəsəbələri var
ki , burada insanlar zülm-zillət içərisində yaşayır.
Söhbət bu dəfə gözdən-könüldən uzaq olmayan, infrastrukturu bərbad
halda olan qəsəbələrın birindən- Mehdiabaddan gedir.
Öncə
onu qeyd edək ki, Mehdiabad qəsəbəsi Abşeronun digər qəsəbələri kimi qədim
deyil. Ötən əsrin 50-60- cı illərində Qərbi Azərbaycandan- Ermənistandan
deportasiya edilən insanların kompakt yaşayış məskəni kimi yaranıb. Vaxtilə üzümçülük
sovxozu olub. Hazırda Mehdiabad digər qəsəbələr kimi inkişaf edərək daha da genişlənib.
Qəsəbədə 4 orta məktəb, 1 bağça fəaliyyət göstərir. Qeyri-dəqiq rəqəmə görə,
Mehdiabadda 40000 insan yaşayır.
Buradan
PA-nın maşınları keçir
Mehdiabadın
mərkəzindən keçən Görədil- Pirşağı yolu qəsəbəni iki hissəyə bölür. Qəsəbədə
son illər abadlıq adına aparılan işlər ancaq bu yolun kənarlarında aparılır. Hər
ilin bu vaxtı-yaz aylarında bələdiyyə və icra hakimiyyətinin yerli nümayəndəsi
tərəfindən "ala-başına-kül başına” aparılan işlər demək olar ki, bağ mövsümünün
sonunacan sökülüb-dağılır.
Sakinlərin bildirdiyinə görə, yerli rəhbərliyin
yolun ətrafında olan obyektlərin sahiblərınin maliyyəsi hesabına apardığı "bir
rüblük təmir” vəzifələrini itirmək qorxusundandır. Belə ki, yaz başlayandan
payızın əvvəlinə kimi Mehdiabadın mərkəzindən keçən yoldan xeyli sayda vəzifəli
insanlar, PA-nın yüksək vəzifəli işçiləri istifadə edir. Onların qəzəblərinə
tuş gəlməmək üçün hər yazın əvvəlində qəsəbənin bələdiyyə sədri ilə "sovet sədri”
"qollarını çırmalayıb” mərkəzi yolda kosmetik təmir işləri aparırlar.
Sovxozdan
qalan "miras”
Mehdiabadın ara küçələrini gəzdikcə qəsəbənin
zibillərlə bağlı ciddi probleminin olduğunu müşahidə etmək heç də çətin deyil.
Bu qəsəbədə göldən məcburi köçkünlərə tikilən binalaradək olan küçələrdə zibillər
rəngbərəng paketlərə yığılıb darvazalarda asılır. Qəsəbədə zibillər həftədə iki
dəfə- 1 və 4-cü günlər traktorun lafetində daşınır.
Sakinlərin dediyinə görə, zibillərin daşınması
üçün hər ay onlardan bələdiyyə 3 manat pul yığır. Sakinlər deyir ki, bəzən
zibillərin yığılması "yaddan çıxır”. Bu zaman darvazalarda asılan zibil paketlərinin
sayı 10-a qədər artır. Bu əsasən yay aylarında daha dəhşətli olur. Polietilen
paketlərdəki zibil günəşin təsirli şüasından pis qoxu verməyə başlayır. Sakinlər
deyir ki, zibil qabı olsa belə bələdiyyə onu qoymağa yer tapmayacaq. Çünki
Mehdiabadda torpaq son qarışına kimi satılıb.
Qəsəbənin
digər problemlərindən biri də su problemidir. Mehdiabadın su xəttləri də zibil
daşıyan traktoru kimi "sovetdən qalma”dır. Qəsəbənin mərkəzi küçələrində pis-
yaxşı belə xəttlər mövcuddur. Amma yeni salınan küçələrində qışın lap ortasında
da "ilan mələyir”. Burada əsl "su biznesi” formalaşıb. Yay aylarında küçələrdəki
su maşınlarının əlindən yerimək olmur.
8-10 tonluq su 20-25 manata satılır. Həmsöhbətimiz deyir ki, kimin
imkanı varsa öz hesabına plastik borularla su çəkdirə bilir. Bunun üçün gərək
2-3 min manat xərcləyəsən. Qəsəbənin imkanlı sakinləri bu üsuldan istifadə
edir.
1 ilə
"cip” alan "sovet sədri”
Qəsəbə
daxili işləyən tək bir marşrut var. Bu marşrut da mərkəzdən "göl” deyilən əraziyə
gedir. İntervalı 20- 30 dəqiqədir. Sakinlərin çox vaxt marşrutu gözləməyə səbrləri
çatmır. Digər yeni küçələrdə yaşayan azyaşlı məktəb uşaqları isə dərsdən yarım
saat əvvəl evlərindən çıxıb palçıqla yolları yara-yara məktəbə gedir.
Sakinlər
deyir ki, yolların bərbad olmağına görə bələdiyyə sədrinə nə qədər müraciət etsələr
də "maddi vəsaitin yetərsizliyi”ndən yollara heç daş– kəsək də tökülmür. Ancaq
"maddi vəsaitin yetərsizliyi”ndən əziyyət çəkən bələdiyyə sədri ötən ilin
payızında öz evinin olduğu küçəyə asfalt örtüyü vurdurdu. Sakinlər deyirlər ki,
Zakir
Fərəcovun kadrı kimi tanınan icra nümayəndəsi Bayram İbrahimov və bələdiyyə sədri
Əbülfət Nuriyevin qəsəbədəki bərbad durumdan xəbərləri olsa da onların başları
torpaq alverinə və evlərin sənədləşdirilməsindəki maxinasiyalara qarışıb.
Sakinlərin
dediyinə görə, Bayram İbrahimov qəsəbəyə icra nümayəndəsi təyin olunan ilk
vaxtlar sınıq-sökük "çeşka”da gəzirmiş, indi isə yeni model "cip”də gəzir. Onu
da öyrəndik ki, Mehdiabadda 100 kvadratlıq evin tikintisi üçün 2000 manat rüşvət
alınır. Alınan rüşvət deyilənə görə, Abşeron RİH başçısı İradə Gülməmmədovaya
çatır.
Akif Çovdarovun bağçası?
Digər maraqlı fakt isə qəsəbənin 1 saylı məktəbinin
futbol meydançasının ərazisində tikilən bağça ilə bağlıdır. Həmsöhbətimiz
bildirdi ki, hələ ötən ilin əvvəlində təməli qoyulan və sürətlə tikintisinə
başlanılan bağça ilin sonuna yaxın qəfil dayandı. Tikintisinə başlanılan ərəfədə
sahibinin adı "dövlət sirri” kimi qorunan bağçanın həndəvərinə heç bir dövlət
nümayəndəsi gəlmədi. Halbuki, bu qəsəbədə həyətində toyuq damı tikəndə adamın
başının üstünü RİH-nin nümayəndələri kəsdirir.
Qəsəbədə gəzən yarı zarafat-
yarı gerçək söz-söhbətə görə, tikintisi yarımçıq qalmış bu bağçanın sahibi keçmiş
MTN-nin keçmiş idarə rəisi, bir çox dövləti cinayətlərə görə həbsdə olan
general Akif Çovdarovdu. Çünkü məhz onun həbsindən sonra bu bağçanın tikintisi
tamam dayanıb. Və indiyədək bir bəfər də olsun bu əraziyə gəlmir. Digər səbəb
isə təhsil nazirliyi tərəfindən ciddi qorunan məktəb ərazisində yalnız mötəbər
vəzifə tutmuş və kəskin tamahı olan bir şəxsin bağça tikmək "səlahiyyəti” ola
bilər ki, bu "parametrlər” də Akif Çovdarova daha uyğun gəlir.
Nə bilmək olar, bəlkə də Mehdiabadda yeni "Akif Çovdarov" peyda olub...
Qlobal.az