Azərbaycanın Lütfü Zadələrə ehtiyacı var...
Avqust 21
16:12
2017
Lütfü Zadə Azərbaycana nə verib deyənlərə...
Dünyanın dahi alimi Lütfü Zadəyə hörmət və ehtgiramla
Prof.Dr. Qüdrət İsaqov
Lütfü Zadə birbaşa Azərbaycan üçün heç nə etməyib.
Elm sahəsində dünya nəhənglərinin çoxu haqqında demək olar ki, filankəs
dahi öz vətəni üçün nə etdi... Amma bu sualı verənlərin çoxu elmdən bixəbərdilər.
Lütfü Zadə dünya elmində Eynşteynə bərabər bir alimdi.
Lütfü Zadə dünya elminə böyük töhfələr verib.
Lütfü Zadənin dünya elminə verdiyi töhfələrdən Azərbaycana da pay
düşür.
Türk dünyasında Lütfü Zadəyə bərabər 3-5 barmaqla sayıla biləcək
alimlər olub. Onlardan biri Nəsirəddin Tusidir.
Lütfü Zadə planetar miqyaslı bir alimdi.
Lütfü Zadənin vətəni Yer kürəsidir.
Lütfü Zadənin Azərbaycanı özünə vətən seçməsi Azərbaycan üçün fəxrdi.
Gələcəkdə Lütfü Zadənin Azərbaycanda dəfn edilməsi Nizami Gəncəvinin
Azərbaycanda dəfn edilməsi qədər dəyərli bir hadisə olacaq.
Əminəm ki, Lütfü Zadənin Azərbaycanda dəfn edilməsi Azərbaycan
elminin inkişafına yeni enerji verə bilər.
Lütfü Zadənin qəbri Azərbaycanda elmi ziyarətgaha çevriləcək.
Orta məktəb şagirdləri, ali məktəb tələbələri, doktorantlar, elmlər
doktorları, akademiklər Lütfü Zadə nümunəsindən dərs alacaqlar.
Azərbaycanın Lütfü Zadəyə və Lütfüzadələrə ehtiyacı var.
Dünyanın dahi alimi Lütfü Zadəyə hörmət və ehtgiramla
Prof.Dr. Qüdrət İsaqov
Qlobal.az