Azərbaycan “EXPO 2017”də milli pavilyonu ilə təmsil olunacaq

SON XƏBƏR

Azərbaycan və Almaniya prezidentlərinin təkbətək görüşü başlayıbBerlində Azərbaycan Prezidenti İlham Əliyev və Almaniya Prezidenti Frank Valter-Ştaynmayer arasında təkbətək görüş başlayıb. ..
İlham Əliyev və Kansler Olaf Şoltsun Berlində geniş tərkibdə görüşü keçirilirAzərbaycan Respublikasının Prezidenti İlham Əliyevin aprelin 26-da Berlində Almaniya Federativ Respublikasının Kansleri Olaf Şolts ilə geniş tərkibdə görüşü başlayıb. Bu barədə Prezidentin Mətbuat ..
"Landmark"ın sahibi ilə bağlı müəmmalı olaylar - Xamını ölkəni tərk etdi, özünə "stop" qoyulur"Landmark" Biznes Mərkəzinin qanuni təmsilçisi Eran Muduroğlunun həyat yoldaşı Nərgiz Nəsrullayevanın Azərbaycandan getdiyi xəbərinin ardınca iş adamının çıxışına "stop" qoyulması gündəmə gəlib...
"NATO qoşunları Rusiya sərhədlərinə yaxınlaşır" - ŞoyquNATO qoşunları Rusiya sərhədlərinə yaxınlaşır. "Report” xəbər verir ki, bunu Rusiyanın müdafiə naziri Sergey Şoyqu Şanxay Əməkdaşlıq Təşkilatı (ŞƏT) ölkələrinin müdafiə nazirlərinin görüşün..
"Enerji təhlükəsizliyi məsələsi əhəmiyyətinə görə milli təhlükəsizliyə bərabər olmalıdır" - PrezidentEnerji təhlükəsizliyi məsələsi əhəmiyyətinə görə milli təhlükəsizliyə bərabər olmalıdır. Burada hər hansı ayrı-seçkiliyə yol verilməməlidir. "Report" xəbər verir ki, bu fikirləri Prezident İlham ..
"Ərdoğan və Bayden mayın 9-da görüşəcək" - "Bloomberg"Türkiyə Prezidenti Rəcəb Tayyib Ərdoğan və ABŞ Prezidenti Co Bayden mayın 9-da Ağ Evdə görüşəcək. "AzPolitika" xəbər verir ki, bu barədə ABŞ-nin "Bloomberg" nəşri öz mənbələrinə istinadla məlum..
COP29 - un əhəmiyyətiAzərbaycan Prezidenti cənab İlham Əliyevin ADA Universitetində keçirilən "COP29 və Azərbaycan üçün Yaşıl Baxış” mövzusunda beynəlxalq forumda çıxışı, aparılan müzakirələr regionun və bütün dünyanın, q..
Azərbaycan daim ölkələr arasında sabitləşdirici, birləşdirici aktor kimi rolunu artırırAzərbaycanın xarici siyasət uğurları biri-birini əvəzləməkdədir. Ölkəmizin istər ikitərəfli, istərsə də beynəlxalq təşkilatlar çərçivəsində əlaqələrinin inkişafı göz qabağındadır. Uğurlarımızı şərtlən..
Dünya ekoloqlarının COP29-dan gözləntiləri çoxdurEkologiya bir elm kimi XX əsrin ikinci yarısında formalaşmışdır. Bunun obyektiv səbəbləri var idi. Dünyada əhalinin sayı artdıqca sosial-iqtisadi, maddi problemlər də çoxalırdı. Üstə..
Ərdoğan Baydenlə danışıqlar aparmaq üçün ABŞ-a getməyi planlaşdırır - "Bloomberg"Türkiyə prezidenti Rəcəb Tayyib Ərdoğan mayın 9-da ABŞ prezidenti Co Baydenlə görüşmək üçün Ağ Evə getməyi planlaşdırır. Qaynarinfo xəbər verir ki, bu barədə Bloomberg məlumatlı mənbələrə isti..

Azərbaycan “EXPO 2017”də milli pavilyonu ilə təmsil olunacaq

İyun 09

11:20 2017

İyunun 10-da Qazaxıstanın paytaxtı Astana şəhərində "EXPO 2017-Gələcəyin enerjisi” Beynəlxalq sərgisinin təntənəli açılış mərasimi keçiriləcək. Azərbaycan "EXPO 2017” də Energetika Nazirliyinin təşkilatçılığı ilə hazırlanan milli pavilyonu ilə təmsil olunacaq.

403,3 kvadratmetrlik əraziyə malik və "Odlar Yurdu - keçmişdən gələcəyə daşınan enerji” devizinə əsaslanan milli pavilyonda ölkəmizin tarixi-mədəni irsini, zəngin enerji potensialını və gələcəyin enerji mənzərəsinin sərgi iştirakçılarına çatdırılması ilə bağlı layihə Heydər Əliyev Mərkəzinin təklif və rəyləri nəzərə alınaraq hazırlanıb.

Sərgidəki milli pavilyonda Azərbaycanın tarixi-mədəni özəllikləri, müasir həyatı və enerji potensialı xüsusi texnologiyaların köməyi ilə çatdırılacaq. Müasir metodlar izləyicilərin həm məlumatlandırılmasına, həm də əylənməsinə şərait yaradacaq. Üç hissədən ibarət pavilyonun birinci hissəsində Azərbaycanın zəngin tarixi ənənələri, məşhur od məbədi, Qobustan qayaüstü təsvirləri, köhnə və yeni Bakının memarlıq inciləri və sair təqdim ediləcək. İkinci hissədə Azərbaycanın ənənəvi enerjidən alternativ enerjiyə qədər keçdiyi inkişaf prosesi, neft, neft məhsulları, qaz, elektrik enerjisi, külək, günəş enerjisi, palçıq vulkanları ilə bağlı təqdimatlar olacaq. Üçüncü hissədə izləyicilər üçün Azərbaycanda maraqlı virtual gəzinti nəzərdə tutulub. Burada məqsəd Azərbaycanın turizm imkanlarının tanıtımı və ölkəmizə turistlərin cəlbinə nail olmaqdır. Ümumilikdə enerjidən istifadə sahəsində nailiyyətlər və perspektivlər, o cümlədən ekoloji təmizlik, enerji resurslarından istifadə zamanı ətraf mühitin mümkün qədər qorunması, enerji və yeni texnologiyaların qarşılıqlı əlaqəsinin pavilyonda ən müasir tələblərə uyğun tərtibat həllinə nail olunub.

İyulun 9-da isə sərgi çərçivəsində "Milli gün” təşkil olunacaq. Bu mərasim çərçivəsində maraqlı bədii proqramlar təqdim ediləcək.

"EXPO-2017” Beynəlxalq Sərgisinin, əsasən, dünyanın iqtisadi baxımdan nəhəng ölkələrindən (ABŞ, Fransa, Almaniya, Yaponiya, Braziliya, Kanada, İngiltərə, İspaniya və Çin) sonra Qazaxıstanda təşkili enerji sahəsi üzrə əməkdaşlığın daha da inkişaf etdirilməsinə, həmçinin iştirakçı ölkələrdə tətbiq olunan yeni texnologiyaların mübadiləsinə təminat verəcək. Sərgi enerji təhlükəsizliyinin təminatında qarşılıqlı maraq və ümumi prinsiplərə dair fikir mübadiləsinin aparılması ilə beynəlxalq səviyyəli enerji dialoquna siyasi dəstək verməklə yanaşı, enerji siyasətinin məqsədyönlü həyata keçirilməsində iştirakçı ölkələr tərəfindən irəli sürülən islahatlar və digər aktual məsələlər ətrafında geniş müzakirələrdə ölkəmizin iştirakına şərait yaradacaq.