ABŞ Süleymaninin öldürülməsinin səbəblərini BMT-yə izah etdi
Yanvar 09
12:11
2020
İranlı general Qasımm Süleymaniyə qarşı aparılan əməliyyat zamanı ABŞ özünümüdafiə hüququnu rəhbər tutub.
Reuters-in məlumatına görə, mesajda Amerika tərəfi də əlavə şərt olmadan İranla "beynəlxalq birliyə daha bir təhdidin qarşısını almaq” üçün danışıqlara başlamağa hazır olduğunu bildirib.
ABŞ prezidenti Donald Tramp raket zərbəsinə cavab olaraq İrana qarşı hərbi cavab verməyəcəyini, ancaq sanksiyalar tətbiq edəcəyini söylədi.
Qaynarinfo xəbər verir ki, bu barədə ABŞ-ın BMT-dəki Daimi Nümayəndəsi Kelli Kraftın təşkilatın Təhlükəsizlik Şurasına göndərdiyi məktubda deyilir.
Eyni zamanda, Vaşinqton BMT nizamnaməsinin 51-ci maddəsinə uyğun olaraq bölgədə "ölçü götürmək" hüququnu bəyan edib.
"Lazım gələrsə, ABŞ öz maraqlarını və amerikalı heyəti qorumaq üçün bölgədə əlavə tədbirlər görməyə hazırdır", - agentlik sənəddən sitat gətirib.
