Abdin Fərzəliyev konsul olmaq istəyir? - Şok iddia
Avqust 22
00:26
2017
Azərbaycanın
ən imkanlı və qalmaqallı icra başçılarından biri olan Abdin Fərzəliyevin yaxın
günlərdə vəzifəsindən azad olunacağı barədə Qlobal.az-a məlumat daxil olub.
Məlumata
görə, uzun illərdən bəri paytaxtın ən perspektivli rayonuna rəhbərlik edən, bu
illər ərzində qohum-əqrabasının, dost-tanışının adına dəyəri milyonlarla ölçülən
daşınmaz əmlak sənədləşdirən icra başçısı xeyli müddətdir ki, sahib olduğu
kapitalın əhəmiyyətli hissəsini Türkiyə və Rusiyada biznesə yatırıb.
2013-cü ildə
Rusiya prezidenti Vladimir Putinin fərmanıyla "Dostluq” nişanı ilə təltif edilən
Nərimanov RİH-nin başçısı Abdin Fərzəliyev Rusiyanın Astarxan vilayətində böyük
biznes şəbəkəsini yaratmağa müvəffəq olub. Əldə etdiyimiz məlumata görə, icra
başçısının Astarxanda kapital yatırdığı əsas sahələr tikinti, balıqçılıq və digər
qida sənayesidir. Ancaq bunlarla yanaşı, Abdin Fərzəliyevin Azərbaycanda – Bakı
şəhərində də biznes fəaliyyətini davam etdirdiyi deyilir.
Məlumata
görə, icra başçsının bu planı sadəcə görüntü yaratmağa hesablanıb. Belə ki, Prezident İlham Əliyev cənablarının keçirdiyi müşavirədə icra başçılarını xaricdən investorlar dəvət
etməyə səsləməsinin ziddinə getdiyinin fərqində olan Abdin Fərzəliyev Bakıda
obyekt tikdirməklə sahib olduğu milyonları ölkədən kənara çıxarmadığını nümayiş
etdirir.
Əldə
etdiyimiz digər məlumata görə isə Abdin Fərzəliyev ciddi-cəhdlə Astarxan vilayətinə
konsul təyin olunmaq istəyir. İcra başçısının bu istəyinə səbəb isə Astarxandakı biznesinə nəzarəti gücləndirməkdir.
Xatırladaq
ki, Abdin Fərzəliyev ölkənin ən "rasxodlu” icra başçılarından sayılır. Onun hər
il təkcə ov turizminə yüz minlərlə dollar xərclədiyi deyilir. İcra başçısının ov etmək üçün ən çox sevdiyi məkan isə Savanna yaylasıdır.
Qlobal.az